المنتدى   المدونة   الكلمات الدلالية
                   
  #1 (permalink)  
قديمة 03-01-2006, 09:53 AM
tab
صورة 'سعود2010' الرمزية
.+[ متميز فعّال ]+.

 
تاريخ الإنضمام: Jul 2005
الإقامة: قلب حبيبي القادم
المشاركات: 36
معلومات إضافية
السمعة: 59692
المستوى: سعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond repute
الجنس: male
علم الدولة:
الحالة: سعود2010 غير متصل
عصيدة ام رشيد ..





عصيدة ام رشيد تستاهل من ينظم فيها قصيده كل حريم الحاره يمدحونها ويتدللون على ام رشيد عشان تزينها لهم...
هذاك اليوم العصر وهن مجتمعات عند ام خزام ... عشان بنتها في ( النفاس) توها والده وهن يسولفون قالت ام خزام : ورا يا ام رشيد ما تزينين لبنتي عصيده خلى جروحها ...تطيب
ردّت ام رشيد :
ابشري والله عقب العشا ارسلها مع الولد
• قالت جارتها فطيمه: هوه... وحنا ما لنا حظن فيها .
• ام خزام - تكفين كثري منها ... وعطي هالمشفوحه لا تنضلنا .
• فطيمه - الحمد لله انا مانيب انضل ..
• ام رشيد - ابشروا بالخير.. ابزيّــن واكثّر منها .
دخلت جارتهم حصه في الحوار: ماشاالله عليك يم رشيد ما هنا احدن مايبي عصيدتك ... انتى وشلون تزينينها ؟.
• ام رشيد : ابد . والله مثلي مثل غيري ...مدري وش اللي يخليكم ماتعرفون لها .
• قالت جهير (الوالده) وزمامها يلمع على خشمها : لاوالله ياخالتي ما حد يعرف يسويها مثلك حتى ذيك المره يوم سيّرت علينا بنت عمى كلت منها ولا بغت العشا .
اشتهرت عصيدة ام رشيد في الحاره وصار مايمر منا سبه صغيره او كبيره ... الا ويطلبون من ام رشيد تزينها لهم .
وحدتن والده...... وحدتن مسيره .....حتى اللي تجيها صخونه تطلب من ام رشيد العصيده ...
وعيال الحاره صاروا يتطنزون على ابو رشيد ... ويسمونه ابو عصيده ...وبيت ام رشيد بيت ام العصيده لكن رجلها عشانه رجالن اجودى وصحيح ويحبها ...ماقال شي ...واذا قالوا له شي الجيران مهوب يزعل ماغير يضحك
لكن اللي تكدر خاطره ... ولد ام رشيد الاوسط ( ناصر ) عشان واحدن من عيال الجيران قال للمدرس وهم في الفصل على عصيدة ام رشيد وزعل ناصر وبغا يتطاق هو وياهم في الفسحه ...
ويوم انه جا من المدرسه ... اول ما دخل لبيتهم نطل الشنطه على غير عادته وقام ينافخ وامه قاعدتن على حيلها وفي يدها درّاعتن قديمه تفتق خياطها بسنونها ... رفعت راسها وقالت لناصر: هوه بسم الله عليك ...وش فيك .
• - مافيني شي
• - لامهوب ذا وليدي اللي انا خابرته.
• - يمه انتى ليه كل يوم تسوين عصيده للجيران ؟
• - جيرانّا وانا امك .. مافيها شي
• - هالحين العيال في المدرسه يعيرونى ويقولون ولد ام العصيده
• - اسفهم وبينسون .
• - لامهمب ناسين ... انتى خلاص لاعاد تسوين لحد عصايد .
• - هوه. .هوه .. الله لايخزينا .. مير .. تبيني افشل قصراي الى بغو شي.. افا ..عليك ..بس
ناصر شاف مافيه فايده من امه .. تركها وهو ناوين على نيّه .
عقب اسبوع اجتمعو حريم الجيران عند ام فلاح جارتهم اللي في اول السكه عشان بنتها جايتن من ديرتهم .. وطلبوا من ام رشيد تزين لهم العصيده وتكثّر..
ركّـبت ام رشيد قدرن وش كبره .. وشمّرت وفصخت غوايشها ومعاضدها .. وبدت تطبخ
شاف نويصر امه تدبك في بالمطبخ
ودرى انها بتسوى عصيده ..
ضاق صدره.. وقال هاذي مافيها فايده ..
وفكر يكب العصيده اذا استوت ..لكن امه شعارها لايأس مع العصيده .. اكيد بتسوى غيرها وليل الشتا طويل .
اخر شي نوى على نيتن شينه ..تذكر ان عندهم حبوب ياكلونها للحلول اذا جا احدن منهم في بطنه غشش... حبوب تجيب الاسهال شراها ابوه لعياله يوم انهم عيوا يشربون (العشرق) وما بغوا ريحته وطعمه.
راح نويصر وخذ قوطى حبوب الاسهال وخذ النجر ورقا للسطح لاتشوفه امه او احد يدري عنه وحطها في النجر وسحن له يجي عشرين حبه .. قرطسها وحطها في مخباته ..
يوم شاف امه مهيب في المطبخ .. رفع غطا القدر والعصيده تزبد ونثر الحبوب المطحونه وحركها ..ثم غطا القدر وظهر.
يوم استوت العصيده .. لبست بشتها ونادت ناصر وقالت له: شل وانا امك القدر والحقنى به لبيت ام فلاح شوف البيوز عندك .
وشال ناصر القدر ووداه مع امه..
حطت ام رشيد القدر عندهم وتعذرت انها بتروح تزين عشا رجلها .
والحريم ما شالله عليهن قالو بالقدر ولا خلو فيه لحسه ...وسمروا واستانسوا .. ثم كل وحدتن راحت لبيتها .
وعقب ثلاث ساعات بدا المغص وكل وحده مسكت بطنها .. و تذكّـــر وشي ماكله ؟
ولاتدري عن خويتها انها جاها مثل ماجاها ومرت عليهم الليله الين اصبحوا وكل وحده ماجاها النوم وقاضبتن باب الحمّام..
باكر الضحى قابلت وحدتن من حريم الجيران رفيقتها وهى طالعتن بتشرى خبز.. يوم سألتها عن الحال قالت : اسكتى يا وخيتي الى هالحين وبطنى ماركد .
طول الليل وانا اتقلب من مغصن ذبحنى .
• - وانا مثلك .. اثر مهوب انا لحالي.
• - اجل خلينا نشوف ام فلاح ونسألها ..
• - عسى مهوب من عصيدة ام رشيد .
- ان كان المغص جانا كلنا فهو من عصيدتها .
عقب العصر تجمعوا عند ام فلاح ولا لهم سالفه الا المغص والعصيده .
شوي وجت ام رشيد تاخذ القدر ويوم دخلت وسلّمت .. قالت لهن : عسا العصيده جازت لكم البارح .
- قالت ام خزام ( وهى عاد وجه ابن فهره ولا عليها من احد ) :
وشذا العصيده الله لا يعافيك ..بغيت اموت .
قالت ام فلاح : وشنّك حاطتن فيها ؟
قالت حصه : بعذرك ما كلتي معنا ! كان ما سويتيها.... ماحدن غصبك .
وام رشيد تحاول تقنعهم ان العصيده ما فيها شي وانها تعبت فيها.. و هاذا جزاها .
لكن ما فيه فايده..
الحريم كلهم قرروا انهم ما عاد ياكلون عصيدة ام رشيد ...



القاكم في السالفه التاليه


جميع مشاركاتي بقلمي
قديمة 03-01-2006, 04:47 PM   #2 (permalink)
.+[ متميز برونزي ]+.

 
tab
صورة 'منابر النور' الرمزية
 
تاريخ الإنضمام: Dec 2002
الإقامة: Q8
العمر: 35
المشاركات: 1,723
معلومات إضافية
السمعة: 3250
المستوى: منابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond repute
الجنس: female
علم الدولة:
الحالة: منابر النور غير متصل
المزاج: ????
افتراضي مشاركة: عصيدة ام رشيد ..

خخخخخ

عجبني ناصر صراحة

بس كسرت خاطري امة!!

اسلوبك ماشاء الله ماعليه كلام حتى لوكان بالعامي تبارك الرحمن..

بإنتظار السالفة الثانية :)

 
قديمة 31-08-2007, 04:45 PM   #3 (permalink)
.+[ متميز فــذ ]+.

 
تاريخ الإنضمام: Aug 2007
المشاركات: 308
معلومات إضافية
السمعة: 100
المستوى: أبو خالد999 will become famous soon enoughأبو خالد999 will become famous soon enough
الجنس: male
علم الدولة:
الحالة: أبو خالد999 غير متصل
افتراضي رد: عصيدة ام رشيد ..

شكرا على القصة

أ+ب+و+خ+ا+ل+د
 
قديمة 31-08-2007, 05:37 PM   #4 (permalink)
.+[ متميز نـابغة ]+.

 
tab
صورة 'عاشق الأنمي' الرمزية
 
تاريخ الإنضمام: Aug 2007
الإقامة: في قلوب المحبين
العمر: 25
المشاركات: 672
معلومات إضافية
السمعة: 142
المستوى: عاشق الأنمي will become famous soon enoughعاشق الأنمي will become famous soon enough
الجنس: male
علم الدولة:
الحالة: عاشق الأنمي غير متصل
افتراضي رد: عصيدة ام رشيد ..

خخخخخ

عجبني ناصر صراحة

بس كسرت خاطري امة!!
 
موضوع مغلق

العلامات المرجعية


الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف)
 
أدوات الموضوع

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة
Trackbacks are متاحة
Pingbacks are متاحة
Refbacks are متاحة


مواضيع متشابهه
الموضوع كاتب الموضوع المنتدى المشاركات المشاركة الأخيرة
(( أليس منكم رجل رشيد ..؟!)) سرابيل منبر التميز والإبداع والتطوير الشخصي 1 02-05-2005 07:39 PM


الساعة معتمدة بتوقيت جرينتش +4 . الساعة الآن : 09:45 PM

Powered by vBulletin® Version 3.8.6
.Copyright ©2000 - 2016, Jelsoft Enterprises Ltd
All Rights Reserved© 2001 - 2014, Almotmaiz.net