دفتر التنقيعات .. اهداء لماما شروق

السفينة · #1 (**permalink**) 19-09-2005, 09:41 PM

بسمـ الله الرحمن الرحيمـ
السلامـ عليكمـ ورحمة الله وبركاته
اشحالكمـ الغالين عساكمـ إلا بخير ؟!!

أنا كم مرة صادتني الغالية ماما شروق أنقع في الإملاء

ويوم قالت ودي يكون في موضوع أحط فيه الأخطاء ..

تذكرت لعبة شفتها في أحد المنتديات

وعلى طول سرت ويبتها لكم

الصراحه هذه لعبه وايد عيبتني .. وقلت آخذ رايكم فيها

مثل ما انتو ملاحظين استوت الاخطاء الاملائيه منتشره في كل مكان

وأنا أولكم

وماما شروق صادتني كم مرة وأنا منقعة .. مثل ما قلت من شوي

لهالسبب هاي اللعبه يمكن تساهم في التقليل من هاي الاخطاء الاملائيه ...

يعني بكل بساطه...اللي يغلط ما بيفكر يعيد هاي الغلطة مره ثانيه

لان كل واحد من اعضاء المنتدى بيعلق عليه (بدون زعل طبعا )

المطلوب :اي واحد يحصل خطأ شنيع من احد الاعضاء على طول و بدون تفكير يحط الخطأ واللي كاتبنه (الله يستر )

يعني نبا همتكم يا جماعه....و حاسبوا على كتاباتكم من الحين خخخ

شروق · 19-09-2005, 09:53 PM

وعليكم السلام ورحمة الله وبركاته

أول الحضور .. وأول قارئة للموضوع .. وأول رد

أظن أكثر وحدة بيكون سجلهـا هني هي نهاية حياة لكثرة الأخطاء الإملائية عندهـا
مب من جهـل .. لا حاشاهـا
لكن من عجلتهـا في الكتابة وعـدم مراجعـة الرد
أظن بعـد اليوم بتراجع ردودهـا
وبـتـتأخر بعـدد المشاركات وبيسبقهـا الكل

* * * *

ابنتي العـزيزة .. السفينة

فالج طيب .. دام انه إهـداء لمـاما شـروق
ودام إني المراقـب العـام
راح أسوي مسح شامـل على مواضيع المنابر أقـوى من تعـداد الإمارات 2005
وراح يعجبج الموضوع

بس عسى الجماعة ما يسيرون من الحين يصححون الأخطاء السابقة !!

لي عودة بإقـتبـاس التعليقات ، ورابط الموضوع كإثـبات

بس بـدون زعـل من أحبـتنـا الأعضـاء

شروق · 19-09-2005, 10:02 PM

بسم الله .. على بركة الله

الأول .. الباش تـقـنـي الزعـابي

ولا يزعـل علينـا ولدنـا تراني ( مامي )

المشاركة الأصلية أضيفت بواسطة : الزعابي

وعليكم السلام رومه الله وبكاته ,,
اخي الكريم أولا ارحب بك في منابر المتميز
اما عن الإستضافه فهي غير مجانيه وهذا رابط سيرفر المستضيف ,,

وخطط الإستاضفه متميزه عن هذه الشركه وايضا ,, دعم فني 24 ساعه متواصله والردعلى الإستفسارات في أثقل من ساعه

والشاهـد : الرابط التـالي :)

http://www.almotmaiz.net/vb/showthread.php?p=46768#post46768

ولا تـزعـل يا ولدنـا

YeLlOw · 19-09-2005, 10:50 PM

ههههههههههههههههه

ما أقد استحمل عمري من الضحك ,,,

على فكرة الكل يتعلم إلا أنا ما أبغي خخخخخ

يعني بالعادة أكتب بيد وحدة والإيد الثانية ماسكة التلفون

و تقولي الزاوية

بس أبغي اعرف كيف تكتبين بهذي السرعة بيد وحده

والظاهر بغير طريقتي وبحطي السماعة ولا سبيكر ,,

يعني بحاول أتأقلم مع مصحح الغلطاوي خخخخخخ

بس نصيحة ممتي شروق والله بتتعبين من وراي

*******************

السفينة وهجتينا

بس حلو

شروق · 20-09-2005, 12:47 AM

المشاركة الأصلية أضيفت بواسطة : نهاية حياة

ههههههههههههههههه

ما أقد استحمل عمري من الضحك ,,,
على فكرة الكل يتعلم إلا أنا ما أبغي خخخخخ

بس نصيحة ممتي شروق والله بتتعبين من وراي

*******************
السفينة وهجتينا
بس حلو

نهاية حياة !
بعدنا ما سوينـا المسح الشامل على مواضيعج .. من أولها أخطاء !!
الظاهر بأحتاج مجنـدِين معاي في المسح الشامل على مواضيعج

الشاهـد ؟ ما يحتاي .. الرابط أعلاه وبعدنا ما طلعنا خارج الموضوع نستكشف الملفات

أما النصيحة لممتـك شروق .. فبـدون قـلق
لا تحاتين .. ما بأتعـب ... أنا وراي حـد غيرج !!

:)

YeLlOw · 20-09-2005, 01:04 AM

والله وهجتينا يالسفينة ,,,

الله يسامحج أكتب حرف حرف

ما برد ولا على موضوع وبحطي كله إقتباسات

لين ما تنسون الموضوع ولو بعد عشر سنوات

أوني عاد منو بيتضارب ولا منو بيتفلسف

ولا منو بيتحرطم خخخخخخ لا تصدقون أمزح

بس بحاول أجرب ,,

ممتي شروق مراقب عام منابر المتميز دوت نت صدقيني ما أتحمل ما أغلط يعني مشكلة التصحيح عندي بروحها سالفة طويلة وانا أتعايز عن التصحيح ,, بس بحاول مع الأيام ,,
هذي أونها رسالة رسمية

شروق · 20-09-2005, 01:41 AM

بسم الله .. ما شاء الله

ولا غلطة يا نهاية حياة !!
يعني ما أحلاكِ وأنت تكتبين وبدون أخطاء إملائية .. إلا كم ساعة أخذ معاج الرد أعـلاه :)
طيب عشان ما يكون الرد باهـت وبدون ألوان .. لابد نتفـنـن

المشاركة الأصلية أضيفت بواسطة : نهاية حياة

خاطري أسجن وايد ناس هني ,,,

نبدأ
ممتي شروق ,خخخخخخ
نبضات لا خلوني أتفاهم وياها كلكيفنا
والبقية خروج بلا عودة

الشاهد : الرد 404

http://www.almotmaiz.net/vb/showthread.php?t=5226&page=41&pp=10

طبعـًا لو سجنتي ممتـك شروق ماراح تلاقيني وراج أتصفح ملفج أدور على الأخطاء ، لكن مقبولة منج

طيب الحين أنت ونبضات تفاهموا على ( كلكيفكم )

تصبحين على خير

YeLlOw · 20-09-2005, 10:49 AM

الدفاع يمتثل أمام القاضي

كلكيفنا ,,

لهجة النهاياتيين القداما وإلي كانوا يسكنون الوسط الشرقاوي ما قبل التاريخ

ونهاية حياة آخر وحده منهم ولا بد تحيي تراثهم

وكما كان هؤلاء القوم يقطنون أوأسط إمارة الشارقة

كما هم اليوم لا بد لهم أن يعيشوا متمسكين بتلك اللغة

فالذي لا ماضي له لا مستقبل له خخخ دفاع نهاية حياة

ومن حيث بدأنا ننتهي نهاية حياة تفخر بهذه اللغة التي

كان أجدادها يتغنون بها في كل محافلهم وتفاصل أيامهم

لغة التنقيع لا بد ان تستمر بستمرار حياة نهاية حياة

فيا سيدي لك من نهاية حياة أطيب تحية

ولكن في السجن حكمة خخخخخخخخخخخخخ

وعلى كيفي تراني العشماوي وبنفذ عليكم الأحكام ,,

**************************
المحكمة الجنائية : رفعت الجلسة حتى إشعار آخر ..
محكمة الأحوال الشخصية :أما عن الشروع بالتبحيص والمسح في ملف المدعوة نهاية حياة فتقرر التالي تحبس سعادة المراقب العام ممتي شروق في قلب نهاية حياة للأبد ...
المحكة المدنية : للصالح العام تحبس المراقب العام في قلوب أعضاء منابر المتميز للأبد لكل ما تقوم به من روائع المعاملة الحكيمة والتي تدل على قوة تأثير شخصيتها وشعبيتها , تسلميلي ممتي

طفلة مدللة · 20-09-2005, 03:19 PM

السلام عليكم ورحمة الله

والخطا اللي أنا حصلته

هو

أن المعرف لـ
bnt pink

والخطأ هو في كلمة bnt

كذا تنكتب صح bint

ملاحظة bintpink
آسفة ما كنت قاصدة الا على شان اللعبة

بنوتة زايد · 20-09-2005, 03:20 PM

هههههههههههههههههههههه
حلوة منج يالغالية " السفينة " ع الموضوع ...
يزاج الله خير أختييه ...
القاضية ماما شروق نتمنا التواصل أكثر ( القضايا ) خخخخخخخخخخخخخخخخخخخخخخخخخ
:)
أخيتي نهاية الله يكون في عونج يالغالية خخخخخخخخخخخخخخخخخخخخ :)