المنتدى   المدونة   الكلمات الدلالية
                   
  #1 (permalink)  
قديمة 15-07-2005, 03:20 PM
tab
صورة 'سعود2010' الرمزية
.+[ متميز فعّال ]+.

 
تاريخ الإنضمام: Jul 2005
الإقامة: قلب حبيبي القادم
المشاركات: 36
معلومات إضافية
السمعة: 59692
المستوى: سعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond reputeسعود2010 has a reputation beyond repute
الجنس: male
علم الدولة:
الحالة: سعود2010 غير متصل
ذيـــك السنه اللي صامت فيها ... حصّـه



اوّل مرّه صمتفيها رمضان كان عمري ثمان سنين وكناساكنين في حي (الدوبـّيـه ) في الرياض ... وهو حي كان ومازال .. حي منسي ومهوبموجود على خريطة الرياض .. حتى اهل البلديه مايعرفون وينه فيه ؟ وللي مايعرفه ...حي ( الدوبـيّـه ) حي صغينون وسط حي معكال اللي حدوده ... احياء ... الديره ودخنهوسكيرينه وشارع سلام ... وكان بيتنا على شارعين له باب رسمي ماأقدر افتحه من كبره ... كلّـه خشب وش ثقله ... والباب الثاني على السكه الثانيه .. صغيّـر اقدر افتحهمسمينه .. باب النقبه ... نروح له من عند حوش الغنم ... السنه اللي بديت اصوم فيهارمضان كانت في الصيف .. كنت اشوف امي تنوم الظهر في بعض الاحيان ... تحت مقطارالقربه ومهفتها في يدها .. .. وجدتي تقول ...: يالله براد الجنه.. كنا نفطر في بطن الحوي ( البيت ) وكانت جدتي ( طرفه ) تطلب مني افرش السماط ( السفره ) الى جاحول المغرب .. وكانوا يفطرون ) عندنا ( لولوه و هيلــه ) بنات عمي ( سعد ) .. كنتاشوفهم حريم كبار ... عشانهم دايم يتوزّون عني ولا يعلموني وش يقولون ؟ في ليله منليالي رمضان .. كنّا قاعدين نلعب بالسطح ( حبشه ) .. رقت علينا جدتي وامي عقبماصلّوا التراويح وجابوا معهم القهوه والشاهي و .. الحبّ .. وفرشت لهم .. لولوه ..الحصير .. وجابت هيله ... التريك .. عشان يسفّر علينا ... قالت امي : كان خليتيهمحلّه الليله قمرا ... وجلسوا كلهم يسولفون ..
ولولوه ... تصب القهوه ... قالتلهم جدتي وهي تاخذ الفنجال من يد لولوه ... : ورا ماناديتي امك تقهوى معنا؟
  • هيله : امي اليوم عندها اختها جايبتن ولدها يقرا عليهابوي .
    ــ امــي : هـوه .. عسا مهوب مصيخين ؟
  • لولوه : لا ... بس يقولون ان فيه ضيقه .
    ـــ جدتي : الله يكفينا شر الضيقه يابنيتي .
  • امي : الله يعافينا كثرت الامراض والصخاين .
    وفجأه نطّت هيله الملقوفه وقالت : الاّ ... ياخالتي ( تقصد امي ) ورا حصّه ( تقصدني ) ماتصوم ...
  • امي : توّها صغيّره .. انشالله بتصوم المقبله
    ـــجدتي : لا مهيب صغيّره .. الاّ حرمتن ماشالله عليها .
    وتلقفت لولوه : هــاه ..يا حصّه ودّك تصومين باكر ... ؟
    جاوبت عني جدتي : ايه بتصوم معد باقين من الشهرالا نصّه ... والى منّها صامته ياعندي لها حقاق ( هديه ) بس مانيب معلّمتها هالحينالين تصومه التفتت علي امي وهي تقشّم الحب وقالت : هـاه ياحصيصه بتصومين باكر ؟رديت من غير تفكير : ايه ابصوم .
  • هيله : خلاص اجل لاعاد تنومين الينتسحّرين .. وقعدت ( هيله ولولوه ) يتضاحكون ... وحده تقول : الله من زين الصوم .والثانيه ترد عليها : صوم الدجاجة والديك .
    نهرتهم جدتي : أها بس .. تعجبكمانشالله .
    جا وقت السحور .... وانا اقاوم النوم وجلست معهم .. كانت امي حريصتنعلي ... اكلتني من المراصيع ... وشرّبتني لبن .. مع ان جدتي تقول لها : خلاص يكفيشرب ( لا تزغّل ) بالفراش ؟ مع اني والله عمري ماسويتها في مرقدي .. لكن الحرص زينعلى قولت جدتي .
    ومانسوا يوصوني عقب ماصليت الفجر اني اروح للصهروج ( الحمام )قبل ما أنصى فراشي ..
    نمت وقمت الضحى ... و... بحلت بعمري مدري وش اسوي ... العاده آكل شيثمّن اقعد العب . لكن هالحين ماأعرف العب وانا جايعه
    طيب البيت كلهم نايمين ...ورا ماآخذ لي شي آكله هم وش يدريهم كلهم نايمين ... وتذكرت الصوغه اللي مواعدتنيجدتي ..
    الصراحه بغيت آكل .. لولا اني سمعت امي تناديني من الحجره : حصه ...حصه .. تعالي ونا امك ... خذتني في حظنها وقعدت تحجي علي الين نمت ثانيه ....
    قمت عقب العصر .. ودخلت المطبخ ... لقيت امي تصلّح القهوه والشوربه وبنات عمييلفّون السمبوسه ويصلّحون التطلي ...
    التفتت علي هيله وهي تحرّك التطليبالملاّس وقالت لي : حيا الله الصايمين
    قالت لولوه : اي هيّن .. الله منالصدق .
    قالت امي : حرام عليكم بنتي صايمه
    قالت هيله : اي والله شوفي وجههااصفر
    قالت امي : روحي حبيبتي انسدحي بالغرفه الين يذّن المغرب
    طلعت منالمطبخ وقعدت ادور في البيت واناقز .. وعقب ساعة من المطامر ... حسّيت بالظماالشديد .. عوّدت لمّـي وانا ابولع ريقي .. وقلت لها وانا يالله احكي : يمّه معليشاشرب مويه ؟
    ــ خلاص وناامك معاد الا خير شوي ويذّن المغرب
    لكن هالحكيمايطفي ظماي ... وشخصت عيوني على ( الزّيـــر ) وهوينقّط على خيشة الجح اللي تحته ... ورجعت اقول لمّي : بس شوي ولانيب بالعته؟ وامي تشجعني وتصبّرني .
    نطّت هيلهالملقوفه راعيت فكرة الصوم : خالتي خليها تشرب وتفكنا ... عاد من زين صومها هالحين . لكن امي سفهتها وقالت لي عشان تشغلني : روحي افرشي السماط يمّه ..والتفتت علىلولوه : عطيها السماط .. مدّت لي لولوه السماط من غير نفس : خذي ياحظي ماصام الاانتي .. الله يبلشك ياهيله انكانك ابلشتينا بهالدبقه.
    وهيله تضحك وهي تصف صحونالتطلي في الصحن الكبير وتغطيهابالشاش
    جا ابوي من المسيد ... وفي يده مصحفه ..وجلسنا كلنا انا وامي وابوي وجدتي وبنات عمي ... نحتري اذان المغرب .. قالت اميلبوي : ابشرك حصة صايمتن اليوم .. قال ابوي : اوّل خير ... لكن يوم شاف شكلي ياللهارفع عيوني وخشتي وارمه .. قال لمّي : يكفيها اليوم .. يمديها على خير المقبله .
    ناظرت بنات عمي لقيتهن ساكتات عشان ابوي موجود مسويات انفسهن مئدبات .
    رمىالمدفع واذّن المغرب وبدينا نفطر .. وابدى اقحن ( اشرب ) من التوت وامي تقول لييابنيتي بسّك من هالتوت وانتفخ بطني وتصبب عرقي وانسدحت معد ادري عن الدنيا ..افطروا اهلي زي العاده .. قهوه وتمر وشوربه وسنبوسه وتوت .. ضفت هيله ولولوه السماطوقاموا كلهم يصلّون المغرب وانا منسدحه وبطني يعوّرني ....
    جت .. هيله وطمّنتعلي : حصه ... حصه .. وشفيك .
    فتحت عيوني وقلت لها : يلله فارقي .. ردّت هيله :بعد ... هذا جزاي يالشينه وراحت وخلّتني
    ناديت امي وجت من على سجادتها : وشفيكيابنيتي . توني ابقول لها وديني للصهروج ..( الحمام) ماأمداني ..و .. كل اللي فيبطني على الحصير ... ارتاعت امي وفصخت جلال الصلاة وقعدت تمسحني به وتسمي علي وتقول : الله لا يعيد هالتوت . وصاحت تنادي لولوه لكنها ماردت بس سمعتها تخبط على ركبتها .. كانت تصلي .. عودت امي تنادي هيله .. وجت هيله تركض : وشفيك ياخالتي ويوم شافتنيقعدت تضحك الين جلست على الارض من الضحك وامي تقول لها : انا مناديتك عشان تضحكينروحي جيبي بادية شوربه لحصّه خلّي كبدها تركد ..... وشربت الشوربه وارتحت ومانستنيجدتي من الهديه ( مخنق زري وش زينه ) لكن ماعاد خلتني امي اصوم باقي الشهر ... بسصمت السنه اللي عقبها .
  • ومرّت السنين ...
    وجلست هيله ولولوه يسولفون مرّهعن شي صار مبطي وهيله تحاول تذكّر لولوه ... ولولوه ناسيه ...و اخيرا لقت هيلهعلامه بتخلّي لولوه تذكّر ... قالت هيله : ذيك السنه اللي صامت فيها حصّه ؟!
    وذكرت لولوه مع ان ذيك السنه اللي حطّوها علامه ماصمت فيها الا يوم... اللهلايعيده ... خلاص صارت ذيك السنه تاريخ عند هيله ولولوه يعني مثل : سنت السبله وسنتالهدام وسنت الرحمه ...
    الله يذكركم بالخير يابنات عمي .. وبالاخص هيله الليبسببها .. صمت ذاك اليوم وقحنت ( شربت ) التوت وصار اللي صار ..
    هيله اللي حطتلي تاريخ : ذيك السنه اللي صامت فيها حصه ؟



[frame=10 60]

هديه :


وأنالو ماتغــرسيمن ظما ... مالي عن المكتــــوب

عذابـــي إنــــي سقيتــه وارتـــوى منقلبــيالصافــي

وإلىخان الشجروالطين .. لا تشـره على المحبـــوب

زرعـت ولا جنيت .. بها الزمــن .. لي صاحبوافــي

[/frame]



جميع مشاركاتي بقلمي
قديمة 27-08-2007, 02:26 AM   #2 (permalink)
.+[ متميز فــذ ]+.

 
تاريخ الإنضمام: Aug 2007
المشاركات: 308
معلومات إضافية
السمعة: 100
المستوى: أبو خالد999 will become famous soon enoughأبو خالد999 will become famous soon enough
الجنس: male
علم الدولة:
الحالة: أبو خالد999 غير متصل
افتراضي رد: ذيـــك السنه اللي صامت فيها ... حصّـه

شكرا على القصة

أ+ب+و+خ+ا+ل+د
 
موضوع مغلق

العلامات المرجعية


الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف)
 
أدوات الموضوع

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة
Trackbacks are متاحة
Pingbacks are متاحة
Refbacks are متاحة


مواضيع متشابهه
الموضوع كاتب الموضوع المنتدى المشاركات المشاركة الأخيرة
دعاء الكسلان ( فيها ضحك شوي ) امورة منبر الطرائف والالغاز والمسابقات 6 09-08-2007 11:40 PM
الزعااااااابي راح فيها .. في هجوم إرهابي Mr.noon منبر الطرائف والالغاز والمسابقات 16 18-07-2005 03:02 PM
من أذكار السنه نور الهدى المنبر الإسلامي 1 06-01-2004 02:27 PM
عشر ذي الحجة : فضلها والعمل فيها شروق المنبر الإسلامي 1 30-01-2003 07:27 AM
لماذا لانحتفل براس السنه مثل البعض؟ ام البــــــراء المنبر العام 2 29-12-2002 03:57 PM


الساعة معتمدة بتوقيت جرينتش +4 . الساعة الآن : 08:08 AM

Powered by vBulletin® Version 3.8.6
.Copyright ©2000 - 2016, Jelsoft Enterprises Ltd
All Rights Reserved© 2001 - 2014, Almotmaiz.net