بسبوسة خفيفة... ظريفة... سريعة... بتحبونها وايد..

أم جبر · #1 (**permalink**) 11-06-2005, 05:44 PM

:36_24_2[1

اليوم جربت طريقة البسبوسة... وايد لذيذة وصدق خفيفة..
انتبهو بنقسم المقادير إلى مجموعة أ ومجموعة ب
المقادير:
المجموعة (أ)
كوب سميد
كوب سكر
نصف كوب دقيق
نصف كوب جوز الهند
1ملعقة صغيرة بيكنج باودر

المجموعة (ب)
1 بيضة
كوب زيت
كوب حليب

طريقة العمل:
تخلط مقادير (أ) مع بعض و مقادير (ب) مع بعض .. ثم تضاف مقادير (أ) على (ب) وتوضع في صينية .
تخبز البسبوسة في فرن حرارته 180درجة لمدة 35- 45 دقيقة أو إلى أن يحمر الوجه..

وطبعاً لاتنسون الشيرة (القطر) يصب على البسبوسة وهي دافئة.. وبالعافية.
ملاحظة: الشيرة تتكون من نصف كوب ماء + نصف كوب ماء ورد +كوب سكر + زعفران

:36_27_8:

امورة · 11-06-2005, 06:46 PM

السلام عليكم و رحمة الله و بركاته ..

أم جبر .. الوصفة سهلة و حلوة و سريعة و ظريفة و خفبفة .. مثل ما قلتي ..

مشكورة ..

بحاول اجربها .. :36_1_13[1

و اكيد بحبها :36_1_71:

الحلو · 11-06-2005, 07:51 PM

صراحة و أنا في غمرة الشغل و معمعة المطبخ
اكتشفت انج ما ححدتي درجة الحراة ( مئوية ولا فهرنهايتية)

عشان جذي اختربت الخطة و سلمت الخيط و المخيط للوالدة

و البسبوبة اطلعت وايد حلوه و تسلم ايدين أم جبر

صح ام جبر اتذكرت على ما أعتقد مطعم بابو يطلبج عشان تسوين عنده بسبوبة على الطريقة الهندية

أم جبر · 11-06-2005, 10:06 PM

عزيزتي أمورة..

أكيد بتحبين هذي الخلطة وإنشا الله (حتاكلي صوابعك وراها):36_1_21[1
أخوي الحلو ..

عادةً تكون درجة الحرارة إللي نتكلم عنها بالمئوي لكن إذا كنت في أمريكا هذا شي ثاني طبعاً بيكون بالفهرنهايتي..
وعلى طاري مطعم بابوه أكيد بيطلب محيي الدين ولا عبد القادر يسويله السمبوسة:D.. على كلٍ بحاول أسويها في القريب العاجل وإذا ظبطت معاية ببعثها على منبر الطبخ..

واترقبوا السويت الياي..:36_17_7:

امورة · 11-06-2005, 10:15 PM

إن شاء الله نشوف الياي منج يا المتميزة " ام جبر "