الزعااااااابي راح فيها .. في هجوم إرهابي

Mr.noon · #1 (**permalink**) 04-12-2004, 02:20 PM

هههههههههههههههههههههههههههههههههههههههههههههههههههههههههههههههههههه

تعالوا سمعوا سالفة الزعاااابي المسكين

البارحة .. العصر اتصلت للزعابي وحددت له موعد التقي فيه أنا وياه

على أساس بعض المواضيع الخاصة بالمنابر نتناقش فيها ..

اتفقنا على الساعة 9.00

المهم أنا صار لي ظرف والحبيب الزعابي خبرني قبلها انه راح يروح يشتري طابعة اتش بي

المهم أنا استقبلت ضيف زارني البيت ... وتأخرت على الزعابي

واستغربت إنه ما تصل !!

شو السالفة ..

المهم الساعة 10.30 أنا على باب بيت الزعااابي ..

السلام عليكم .. مرحبا الزعااابي

قال : هلا .. ( احتشر علي ليش تأخرت عليه )

المهم .. كملنا مناقشتنا ..

واتفقنا على إن نتلاقى صلاة الفجر .. بعد ما سمعنا عن خبر وحدة توفت وراح يصلون عليها الفجر

حياك الله الزعاااابي مع السلامة ..

الزعاااابي ودعني على إنه راح يعرف الطابعة ويركبها وينام ..

الحبيب لما راح البيت .. وشغل الكمبيوتر ..

شافه ما يشتغل .. راح على الوضع ا لآمن اشتغل

حاول مرة ثانية ثالثة .. نفس الشغلة ..

( الزعاااابي أوجس في نفسه خيفه وقال : يا خوفي تروح كل إبداعاتي هباء )

المهم .. الزعابي ذكر ربه واستغفر ( إنما هو بذنب )

وأخيراً .. ما في غير الفورمااات

الزعااابي سحب ملفاته .. على الدي ..

وسوا الفورمااااااااات .. والحمدلله ..

وبعد جهد جهيد وانتظار حتى الساعة الثالثة صباحاً
اكتشف الزعاااااابي ان المشكلة مب فالفورمااااات

وما عرف شو يسوي .. هذا معناته إن برامجه وشغلاته كلها راحت بدون فايدة

يعني الفورماااات ما له داعي ( مسكين حاله )

المهم

الزعابي غلب عليه النوم وناااام ..

الساعة 5.00 كلباااااوي يتصل ( احترق تلفوني وما شله )

المهم وقت الأذان بالضبط اتصل الزعااابي وقال يالله ( هذا أنا بعدني ما أدري )

المهم .. صلينا .. ورحنا مع الجنازة .. ورجعنا

وتريقنا في مطعم هندي ( كيما وبراتا ) ( فاتكم صراحة .. )

ورجعنا بيتنا .. ورتبنا بعض أمور المنتدى وعلمني الزعاااابي بعض من خبراته ..

وما حسينا بالوقت .. إلا الساعة 10.30 ..

قالي الزعااااابي .. خلنا ناخذ الكمبيوتر ونوديه المحل .. يمكن يشوفو له حل ..

قلت له انزين ..

ورحنا ..

وياللفاجعة ..

الكمبيوتر ما فيه شي .. يعني ما فيه أي أعطاااال

شو السالفة ..

كانت الشاشه مال الزعابي .. من أربع أيام تشتغل بدون راحة .. فاضطرت إنها تاخذ راحة إجبارية

هذي الراحة خلت الزعابي يظن إن الكمبيوتر اخترب .. وفورمااااااات شال عنه كل البرامج ..

( أنا فخااااطري ضحكة قوية من الخاااااطر )

بس الزعابي مسكين ( ترقرقت الدموع فعينه وهو يرى جهوده تتطاير أمامه )

طبعاً أنا حاولت تهدئته .. وشغلت له شريط أناشيد .. خفف عنه شوي ..

ونزل الزعاااابي وهو كسير الخطى .. وودعني ..

على أمل إنه يبدأ صفحة جديدة ..

مسكين الزعاااابي

قصة مأساوية صح ..

شو رايكم ؟؟

إماراتية · 04-12-2004, 04:36 PM

[glow=FFCC99][glow=0066FF][align=center]وتقول عني عشماوية :@@@:

عيل انت شو تطلع

عورت قلبي القصة وكسر خاطري الزعابي..:~(

بس ما عليه يا خوي انت همتك عالية واكيد بتعوض وبتتعلم من هذه التجربة.
:!:
ومادامك نقلت المعلومات للدي فما اظن انها راحت إلا إذا كنت مسوي فورمات لكل للدي.

إماراتية[/align][/glow][/glow]