هذي السالفة صارت في العشر الأواخر من رمضان

أخونا الشجاع ..
الظهر .. ما ادري من شو كان معصب ..
المهم ..
وهو متنرفز شوي .. رفس الباب ..
ما يدري إلا وهو طايح على الأرض يتلوى من الألم ..

المهم ..
احنا بالليل .. في المسجد .. إلا يدخل علينا الشجاع قبل صلاة التهجد بساعة ..
الشجاع ريله ملفوفه .. ومشيته مب طبيعية ..

كلباوي : عسى ما شر ؟؟:!
الشجاع : الشر ما ييك .. بسيطة
كلباوي : أي بسيطة .. وانت ما قادر تمشي
الشجاع : لا ما عليه ..
كلباوي : وراك صلاة قيام ما بتقدر توقف ..
الشجاع : لا أنا أقدر اتحمل ( وهو يتألم ):~(
كلباوي : عن هالسوالف وقوم وياي خلني أوديك الطوارئ بالمستشفى يشوفولك حل
( كلباوي الآن أصبح خبرة في الاسعاف ولو ان هذي السالفة صارت قبل سالفة الزعابي )

وصلنا إلى المستشفى
دخلنا .. كان صاير حادث:car: والناس متجمعة ..
( الحمدلله الذي عافانا مما ابتلى به كثيراً من خلقه وفضلنا على كثير من خلقه تفضيلا )
المهم .. طبعاً بدون بطاقة صحية .. فتحنا ملف ..
ودخلنا عند الممرض .. ووصل الدكتور .. وقال لازم تسوي أشعة
( الشجاع بطل عيونه :icon79: أول مرة بيسوون له أشعة )
طبعاً المستشفى يديد وبيني وبينكم أول مرة أدخله ..
( الحمدلله كل مرة أجدد البطاقة وما استخدمها )وفي جولة سريعة وصلنا إلى الزووول في قسم الأشعة ..
ودخلنا .. طبعا أنا وقفت خلف الواقي ..
وأخونا الشجاع تسدع على سرير الأشعة .. وأجهزة التصوير فوقه ..
( وأنا كنت أهدده أي حركة بتسويها بكتبها فالمنابر ) الحبيب ما مركز ما عارف شو السالفة ..
الدكتور يقوله لف يمين .. هو يلف يسار .. المهم .. ما صارت 5 دقايق إلا واحنا خلصين ..
شلنا صور الأشعة معانا ورجعنا للدكتور
الدكتور بعد المعاينة .. : بسيطة ما في شي ..
الدكتور : شو سبب الألم ؟
الشجاع ( بهت ) : أأأأأأأأأأ .. كنت ..
كلباوي : بيني وبينك دكتور الريال رفس الباب !!:p
الدكتور : (انفجر من الضحك) .. :D

المهم كان لا بد من اجراءات ..
إبرة خفيفة .. خلف الستار ::: ( ما خلوني أدخل )

وعدت على خير ..

والحمدلله على سلامتك أخوي الشجاع:flo:


وهذي نهايتها ..:p

سلا مات رعد العملاق...هههههههههههههههههههه

ههههههههههههههههههههههههه :d

شد حيلك يالشجاع .. هونها وتهون

الله يهيدك بس الحين تكتبها لو كتبتها واهي حاره .. بعد توني شفته في المدرس اقوله هااه وينك .. يالله ادخل المنابر .. مسكين بيدخل بيشوف الحش .. هاهاهاهااااااي

السلام عليكم
وااااااااااااااااااااوndarh.gif
شو هذا ؟؟!!
الله يسامحك بس يا كلباوي ما خليت شي ما قلته
المهم .. مب كنك مضخم و مبالغ السالفة " شويتين ":@@@:
ترى أنا ما أول مرة أسوي أشعة
.. لكن أول مرة في المستشفى اليديد ..هلوهلو
و ما ننسى ربعنا الزعابي و نهاية حياة
مشكورين على الرد و الله يسلمكم
و شكر خاص لأخونا كلباوي اللي تعبناه ويانا
و السلام

ههههههههههههههههه
السموحة الشجاع .. لكن كان لابد من شوية بهارات ..

تحياتي لك
اليايات أكثر من الرايحات

تحذير يمنع منعا باتا أن يغلق باب المدرسة في الفترة الصباحية لأسباب أمنية ....
نظرا لما تعانيه المستشفى الجديد في كلباء من ضغوطات على مختبر الأشعة

قرار وزاري.. مصدق من شاهد عيان .

االشجاع .ز ترا وايد كلباوي حاط علينا شرايك نضبط له خطه قندهاريه ..

أفا يالزعابي .. ما كنت اتوقعها منك .. خلنا ربع .. ولا تنسى العيش والتونا اللي بيننا

غنتوا أصلا لازم تحضروووووله مقلب ممتاز


علشان تخف البهارات ...

هههههههههههه