إحم أانا رجعت..أقول تبون تتعلمون لغة اهي اليمن القديمة تفصلوا

أم همام · #1 (**permalink**) 27-12-2002, 04:39 PM

سلااااامو علييييكوووم
إشحالكم جميعا
عساكم بخير :)
صراحه الموضوع باختصار إني حبيت أعلمكم لغة جديمة هي لغة أهل اليمن القديمة
تسمى لغة المسند او اللغة السبئية
تواجدت عدد منالنقوش بهذه اللغة في كل أنحاء شبه الجزيرة العربية في الحجاز واليمن وعمان وشمال وشرق شبه الجزيرة العربية ..
ووجدت النقوش في مناطق خارج الجزيرة كمصر وجزيرة ديلوس(منو الأخ؟؟؟؟؟؟) وسوريا

ليش سموها بالمسند يقولون سلمكم الله لأن الحروف فيها ترسم مستقيمة على هيئة أعمدة متساندة وهي 29 حرف تزيد عن اللغة العربية بحرف واحد ..
ولا توجد في حروف المسند حركة ولا ضبط وليس فيها تشكيل (فكة ماكان عندهم إعراب خخخخخ) وتكتب منفصلة ليس فيها تشبيك وتكتب من اليمين إلى اليسار ومن اليسار إلى اليمين وليس فيها نقط ومادة الكتابة هي الحجارة والأخشاب والمعادن
طبعا ما بنتعلم اللغة لني ما أعرفها ولا سمعتها في حياتي
لكن بعلمكم حروف اللغة هذه ويسمونها حروف المسند
المعلومات هذه نقلتها من كتابي الدراسي المغبر من أيام الجامعة ( كتاب تاريخ شبه الجزيرة العربية القديم تأليف دكتور حمد محمد بن صراي ( لو يدري دكتور حمد إني أسوي له دعاية بيدعيلي):D
صراحه كتاب جدا قيم اللي يحبون التاريخ القديم ومهتمين بالتاريخ طبعا هم فقط بيستمعون بقراية الكتاب مثلي
على العموم بتقولون أم همام إنتي وايد متفيجة وشو نبغي في حروف المسند بقولوكم
عن نفسي كنت أستخدمها في كتابة رسائلي السرية لبعض خواتي
يعني حق اللعب والخرابيط :D

المهم رجاءا بدوم تعليق على الخط
صح شكله أثري وجنه مكتوب من العصر الكربوني
لكن والله من يومين بس كاتبة الورقة ومدخلتنها في السكنر
ترى الورقة اللي في الكتاب رايحة فيها مسكينة من كثر الشخابيط فسامحوني على الخط الشعشبوني :D
أتمنى يعيبكم الموضوع
اتريا تعليقاتكم
خداهافز
:)

الطائر الحر · 27-12-2002, 06:57 PM

السلام عليكم ورحمه الله وبركاته

مرحبا وهلا اختي
ام همام ..الحمدالله على السلامه
ومشكوره وما تقصرين
وان شاء الله بنتعلم كلنا هذي اللغه
:) :) :)

تحياتي لك
والسلام عليكم ورحمه الله وبركاته

أم همام · 28-12-2002, 11:18 AM

عليكم السلام ورحمة الله وبركاته
حياك الله أخي الكريم الطائر الحر:)
الله يسلمك أخوي ويبارك فيك
أتمنى يكون عيبك الموضوع :)
الظاهر الباجين ماعيبهم مب مشكلة
تحياتي لك
إختك
أم همام

فتاة عربية · 28-12-2002, 04:30 PM

وعليكم السلام ورحمة الله وبركاته .....

وينج أختي أم همام ، انتي وهذا الكتب المغبر...

أنا من زمان أدور على لغة غربية عجيبة أتعامل فيها يعني مثل الشيفرة !!

يعني ما حد يفهم أنا شو كاتبة غير طبعا اللي أكتب لها ، و ورقة فك الرموز لازم تكون في مكان أمين.. سحري.. بحري.. حتى مارد الفانوس ما يقدر يطلعها ..

ألحين بسوي print حقي وحق ربيعتي وراح إن شاء الله أتعامل فيها..

ياااااااااااااااي شي جميل..

لا تزعلين ترى موضوعج وااايد حلو و مهم حق اللي يدور على الشيء الغريب و العجيب مثلي..

يلا يا أم همام إذا عندج أشياء ثانية غربية وعجيبة .. رجااااااااء خبرينا عنها...

للأسف ما أقدر أتعامل في هذي اللغة ( المسند) على الكمبيوتر...

أتمنى يا أم همام إذا في بعد رمسة محد يفهم عليها .. شيفرة بعد.. وإذا محد لين ألحين أخترعها... إن شاء الله يوم بحصل وقت .. راح أطور رمسة مشفرة...( راح أحط هذا الشيء ضمن خططي المستقبلية... أدعولي.. )

تراني أنا ما أمزح.. أن جادة في كلامي.. ممكن أكون غربية الأطوار أحيانا.. بس واااايد حبيت الموضوع.....تسلمين

مشكوووووووورة وايد وايد:D .. تستاهلين بوسة