عجزت لــ استر ضيقتي بالعبايه !!

النــــور · #1 (**permalink**) 01-07-2011, 06:07 AM

زحمة شعور ولخبطة بال وظنون
،،..،،..،،.. تاكل من الضيقة يدين الكفايه
كم للأمل في رمل الأحزان مدفون
،،..،،..،،..! وسيلتي فكري والأوجاع غايه
كلي تسنبلت بيدك خذني بهون
،،..،،..،،..! جيت استريحك لا تجدد عنايه
ماعاد باقي للبكا فيني جفون
،،..،،..،،..ذبلت سنيني والهوى بحّ نايه
متناثره .. حلمي فقط اني آكون
،،..،،..،،..! بسمة رضا تحكي شفاتك .. روايه
يا انت مدري يا انا عقل مجنون
،،..،،..،،..من رتلك في آخر الليل آيه
من صبني في كاسة الجرح ليمون
،،..،،..،،..او من رسم وجهي حزن بالمرايه
من مد غصني للشتا وانصرف دون
،،..،،..،،..مايجمع اوراق الخريف / الحكايه
كذا تركني ضيم واحساس مغبون
،،..،،..،،..عجزت ل استر ضيقتي بالعبايه
تعبت اقدّر ناس مايستحقون
،،..،،..،،..! وان جيت، مدري ! بس بي عقل تايه
! ياضيق بالي يالسهر .. بس ،، تكفون
،،..،،..،،..خلوني ارمي ضيق صدري ورايه
صبري نفذ ماعاد بي قوة متون
،،..،،..،،..ما عاد بي حيل انتظر للنهايه
لا تسألوني ليه؟ او كيف , وشلون ؟
،،..،،..،،..! كل الحكايه ..مافهمت الحكايه !