المنتدى   المدونة   الكلمات الدلالية
                   
قديمة 12-09-2010, 10:12 AM   #21 (permalink)
|{ أمْ زايد . . ~

 
tab
صورة 'M!ss rem@ny' الرمزية
 
تاريخ الإنضمام: Jun 2008
الإقامة: فِي عَالمِي وَبيْنَ دفّتَيْ أَحْلَامِي . . }-
المشاركات: 1,377
كافة التدوينات: 19
معلومات إضافية
السمعة: 14254696
المستوى: M!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond repute
الجنس: female
علم الدولة:
الحالة: M!ss rem@ny غير متصل
المزاج: ??????
الرسالة الشخصية
لَوْ يموت الشّوق بقلوب البَشَر مآ يموت بخَآفقي شُوقي عَليكْ ]~
افتراضي رد : |[ متاهـات ؛

سرآأب ؛

لا خليت من متابعتج عزيزتي . .

لج ،

الحمدُللهِ كثيراً 3>
  اضافة رد مع اقتباس نص هذه المشاركة
قديمة 12-09-2010, 10:15 AM   #22 (permalink)
|{ أمْ زايد . . ~

 
tab
صورة 'M!ss rem@ny' الرمزية
 
تاريخ الإنضمام: Jun 2008
الإقامة: فِي عَالمِي وَبيْنَ دفّتَيْ أَحْلَامِي . . }-
المشاركات: 1,377
كافة التدوينات: 19
معلومات إضافية
السمعة: 14254696
المستوى: M!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond repute
الجنس: female
علم الدولة:
الحالة: M!ss rem@ny غير متصل
المزاج: ??????
الرسالة الشخصية
لَوْ يموت الشّوق بقلوب البَشَر مآ يموت بخَآفقي شُوقي عَليكْ ]~
افتراضي رد : |[ متاهـات ؛

|[ متاهـات ؛






الجزء السابع : -





نشيت ع صوت المنبّه . . طفرت من إزعاجه ،
فريت تيلفوني وانكسر . . وتميت مغمض عيوني بعمق ،
اللي سويته صح . . هيه يا مطر اللي سويته هو الصّح . .
لا تعلق البنت فيك ، وإنت مالك بارض لا لحب ولا لارتباط ،
تكفيك ارتباطات الدوام ، وها الحياة اللي تقصر العمر ،
مممم ..
يا ترى شو حل عليها . . ؟ ، هل بعدها تحلم ،
وإلا صفعتي وعتها من سباتها الطويل وأحلامها الوردية ،
هه والله هالبنات مشكلة ، كل وحدة بتحلم وأحلام وردية ، وعسل . .
وعقب يوم تنصدم بالواقع .. تعال شوفها تقول حد ميت عندها !
الحياة مب أحلام ، الحياة قاسية . .
وهاللي لازم تتعلمينه يا مريم . .
هيه . . هاللي لازم تتعلمينه ،
لا تظنين إنج بتحصلين اللي تبيه بسهولة ،
ولا تظنين إن الأحلام ممكن تتحقق . .
لو كانت تتحقق . . جان من زمان تحقق حلمج . .
أففف ، مريم و مريم و مريم ،
جنها أول بنت حالمة تمر عليك . .
ياخي شلها من تفكيرك .. حشى . .
بس مريم . . ما ريت فيها إلا كل خير ،
مريم طفلة ،
تنهدت ، وأحلى طفلة شفتها في حياتي ،
ويمكن تحب منظر الغموض أكثر من الوضوح ،
ويمكن هالشي لي خلاها تتعلق فيني . .

ياني صوت يلومني : بس إنت غلطان يا مطر ، غلطان ،
عطيتها كامل الحرية ، تسرح وتمرح .. ما وقفتها من بداية جولاتها . .
وقلت لها لا تتقربين من أرضي ، ولا تطيرين في سماي !

سكت . .
هيه صح أنا الغلطان . .
ولأني غلطان ، قررت أوقفها الحينه عن أحلامها ،
عن تغوص فيهن زود . . والله يعلم للشو بتوصل . . !

فزيت بسبة الباب اللي اندق ،
والام بي آر عندي وصل مليون ،

سمعت حس شوق تقول : بـابـا . . بـابـا نث ، باباتي . .
باباتي . . اتّح الباب . . أنا ييت !

نشيت و فتحت الباب بسرعة وأنا متوله ع هالزعطوطة ،
حضنتها . . وبستها . . وعقب شليتها وسألتها : منو يابج فديتج ؟
جاوبت : هادا كالي كايد ،
قلت لها : ووينه هو ؟
عبست بويهها وقالت : إنت ثوفيك وايد تثأل ! ماعللف مااعلف وين ثاااال !!
ضحكت : هههه حشى ! إنتي ماتعرفين ترمسين وجذه لسانج طويل ، وين إن عرفتي ترمسين عدل ؟
نزلتها وقلت لها : حبيبتي أنا بسير بغسل ويهي . . وبييج . . تمي يالسة محلج انزين ؟
قالت : انذييين لووح بثللعة . .
ضحكت وأنا ساير للحمام . . وأتفدا شوقاني . .


،
،


طلعت من الحمام وأشوفها مبققة عيونها ع تيلفوني ،
أول ما شافتني قالت : بابا منو كثّل تلفونك ؟
قلت لها : ماشي هالتيلفون وذا ، قومي يلا بنسير نسلم على يدوه ،
نقزت : يلا باباتي نثيييل . .

وسرنا جدا فيلة الوالد . . نحن عايشين في نفس الحوطة ،
لكن كل واحد له فيلا خاصة ،
عاده فلتي أنا مافيها حد مول ، غيري أنا ،
وجان في حد بيسترغد ثره يي أونه بيبات عندي ، وبييلس ويايه !
دخلنا الفيلا ، وريت أماية يالسة فالصالة ، وتتحرطم . .

قلت لها : خير أماية بلاج تتحرطمين ؟
ردت عليه بعصبية : شعنه ما تنش مسود الويه ؟ تعبت وأنا أرضض بالبيبان . .
تعبت منك دومك هاي حالتك . . كلما نبا نوعيك ما تنش . .
عنبوه ، شو من رقاد هذا اللي هل عليك . . ؟
رديت عليها وأنا أضحك : والله ما سمعت لا دق ولا طشة ،
وأماية بدال ما اتعبين عمرج وتيني لين فلتي ، اتصلي بي . . أفا عليج إنتي بسْ !
اتطالعتني بنص عين وقالت : هيه هيه ، أتصل بك !! أنا أرضض البيبان وأكرخهن .
. وإنت ولا عندك خبر . . وين إن اتصلت ؟
عز الله نشيت يا ولدي . .!
أنا أقول إنك ترد تسكن في حجرتك وايد أخير . .!

تطالعتها بضيج وقلت : أماية هالسالفة نحن انتهينا منها وإلا أنا غلطان . . !
يت أماية بترمس بس سمعنا صوت وحدة نسيناها : بث بثكم حثى الحمونااا اثوية كله مهااذب كله مهااذب ،
يتني الضحكة الصراحة بس يودت عمري ، وصديت أتطالعها ،
ريت أماية ضحكت وشكلها بردت : يا هلا والله بالغالية علني أفدا ويهج ، تعالي عند يدوه حبيبتي تعالي !
ربعت عند أماية واتحاضنن و استوى الفلم الهندي عاده ،

نزلت أختي موزة . . ومبين عليها إن أخلاقها في خشمها ،
وقالت بعصبية : بلاكم حاشرين البقعة بس عنبوه ما يرزا علينا إلا شوقوه يايّة !
أماية : مويز قومي عن ويهي دام النفس عليج طيبة . . وإلا بخبر أبوج بسواياج . .
تخوصرت موزة وهي للحينه ما لاحظت وجودي : وخير يا طير ؟
بتقولين لأبوية شو بيسوي يعني ؟ ، إنتي لو تموتين وتفكّينا جان نحن عايشين بخير ونعمة ،
من غير خرابيطج و نصاييحج الثمينة اللي ما منها فايدة . .
هزها صوتي وأنا أقول : جااااااب ! ، هاي علومج عيل يا موزوه !!
ترمسين أمج جذه . . !!!

صرخت : هاي مب أمي ، مب أمنااا . .إنت متى بتفهم !!
هاي انفرضت علينا . . تعرف شو يعني انفرضت علينا . .!
نسيت نسيت ؟ نسيت يوم يتنا في هاك اليوم المشؤوم . .
اليوم اللي قضى على أماية ، أصلا هي السبب . .
هي السبب في كل شي شين يستويبنا . .
هي الحقيرة اللي من دخلت هالبيت ونحن مب في حالة ..

ما سكّتها غير كف ،
كف !

موزة وكف !!

ومن منو ؟

من أبوية . . !!

أبوية يصفع موزة . . !
يالله . . يالله . . مصيبة حلت في بيتنا . .
أبوية يمد إيده ع غناة روحه ؟
لا عز الله ، الدنيا اختربت !

ربعت بسرعة لـ فوق ، وهي تصيح بعصبية وقهر ،
يا أبوية ويلس ، وحسيت به تعب من الكلام اللي سمعه ،
صد جدايه وقال بإصرار : اليوم ترد حرمتك ! سامع ؟

تطالعته بـ ضعف وأنا أقوله : يابويَة الحرمة ما تباني ،
مب غصب أردها . .!

قال وهو يرص ع ضروسه : شوف يا مطر ،
إن ما ريت حرمتك في بيتك الليلة . .
ما تلوم إلا عمرك . . !

طاحت عليه هالحروف وجنها جلعت قلبي من مكانه . .
شو أردها ؟ كيف أردها !
اتطالعت شوق ، وغمضتني . .
حرام تشوف هالمواقف كلها ،
شفتها متعلقة بأماية . . ودموعها فعيونها . .
سرت ونزلت لمستواها وقلت بصوت مبحوح : تعالي يا قلب باباتج . .
ما ترددت ع طول عقت عمرها عليه ، وهي تشاهق . .
وأنا أمسح ع راسها بحنية . .
غمضتني . .

يت في بالي مريم ، هيه يا مريم !!
شفتي كيف الأحلام ما تتحقق . . ؟
شفتي كيف الحياة قاسية . . !
تعلمي القسوة ، تعلميها يا مريم ولا تضعفين . .
الحياة ما تبا غير هالشي ،
شليت شوق . .
ومشيت لـ فلتي ،
اليوم لازم أردها !
تنهدت . .
دخلنا ووديت شوق لـ حجرة كلها ألعاب مسونها حقها يوم تيني ،
وقلت لها العبي فديتجْ ، وبييب لج ككاو وعصير ،
وسر يبت لها من الثلاجة ،
ويلست أتطالعها وهي تلعب اشوية ، وتاكل اشوية . .
اسندت راسي ع الكرسي ، وغمضت عيوني . .
وطيف مريم يلاحقني ، تذكرت عيونها وردة فعلي أول ما ريتها بكل وضوح !

{ الله يغربلج . . !

خيبة بلاك ؟ لـيش !!

هههه مب عيون عليجْ . . ماشاء الله عليج . . ماشاء الله عليجْ . ، فديت عيونجْ
}

فتحت عيوني وأنا أيود راسي بقوة ،
الله ياخذ هالذكريات اللي مب مخلتني في حالي . .!

شو الحل ويا أبوية ،
إن ما رديت أم شوق ، هالبيت . . بينهار . . !

تذكرت أحلامي ، اللي حلمتها وغصت فيها . .
وأنا أشوف غادة ، أم شوق حليلة لي ،
هيه خذتها عن حب . . عشقتها عشق ماشي شرواهْ ،
كانت تتأملني دوم بالعيون الخجولة ،
وهالشي ذبحني فيها وهيّجني . . وخلاني أصر إني أباها هي وبس . . !

أذكر يوم قلت لأبويَة ،
تضايج . . وقالي كنت أباك تاخذ [ مريم ] بنت اربيعي عمك يمعة ،
رفضت هالشي وبإصرار وقلت له مريم إلا ياهل . . !
ماباها ،
وعقب ما عرست . . عرفت منو الياهل بالضبط !
الياهل هي اللي تأملتني بعيونها الخجولة . .
مب اللي تغشت عني أول مرة شافتني فيها . . !

عضيت ع شفايفي ، وأنا أقتل غصتي اللي كبرتها بيديّة . .
شو اللي خلا أبوية يقولي هالرمسة . .
وغادوه ، توها إلا متطلقة . . !
شو أبا فيها الحينه . . !
فضّلت غيري عليه ، وسارت في حال سبيلها . .
ويوم اللي فضلته ، فضل غيرها . . ردت لي ؟

حسيت بجسمي يحر من العصبية اللي تسري فيه ،
واتصلت بأبوية . . وأنا مصر ع قراري . . !



.
.
.

تك تك تك ؛
شليت تيلفوني . . أشوف المسج اللي وصلني . .
كان من بطي : " انزين . . آسف ! "
ضحكت ، غبي والله يتحراني زعلانة منه ، يلا بمثل الزعل شو ورايهْ !
" الحينه آسف يا بطوي ؟ ، الحيينه ؟ ، "
" والله ما كنت أبا إلا الخير ، وربي شاهد عليه "
" تعرض أختك لـ موقف شرات هذا وتقولي تبالي الخير ؟ "
" أفف هيه ، كنت أباج تسمعين سلطان ، تدخيلن قلبه وتشوفين القصر اللي مشيدنه لج ! "
" أعتقد خلصنا من هالسوالف .. صح وإلا؟ ولا تيلس تعيد فيها . !! "
" إنتي الخسرانة ، أنا قلت أسوي فيج خير قبل لا يطيح الفاس بالراس "
" شو تقصد ؟ "
" أقصد إن سلطان رمّس أبوه وهو بدوره رمّس أبوجْ ،
وما أعتقد أبوج بيردّه ،
ويلا عاده دوريلج سبب مقنع تردين فيه سلطان [ غير . . أحسه شرات بطوي أخويه ] !
"

حطيت التيلفون بصدمة !
نعم ؟ شو يقول هذا . . !!!

لا مستحيل !
أنا قايلة بجدد الأحلام وبعيشها ع هواية ،
شرات دوم . . لا لا . .
مستحيل أصلا أبوية يجبرني ،
بقولهم ما أفكر بالزواج وخلاص ..
هيه صح ، والله ما في أخير عن هالفكرة ،
بقوله أبا أكمل دراستي والدراسة عند أبوية أهم شي !
ابتسمت ،
وأنا أحس بثقة إن أبوية مستحيل يفرض عليه شي ماباه ..
وين عايشين نحن ؟

وصلني مسج : " حووه وين سرتي ؟ "
" موجودة .؟ خير ؟ شو تبا ! "
" استغفر الله !! مريوم لا ترمسيني جذه !!"
" أوكيه ، كيف تباني أرمسك؟"
" آوكيه برايج ، باي ! "
" خخخخ / فمان الله "
" طع العنزة تضحك بعد ! . . وربي ترفعين الضغط ، الله يعييينه سلطان علييج "
" هيه عنزة ، وسلطان ما بوافق عليه ، وبتشوف "
" لا تقسين ع الريال . . دخيلج بسه عذاب "
" أنا بعيش وياه مب إنت ، وأنا ماباه ، خلني في حالي "
" أخليج تعيشين أحلامج اللي تبنينها ع أوهام ؟ "

ما توقعتها منك يا بطي . .
الحينه أحلامي مب حلوة ومب عايبتنك !
الحينه ؟
حسيت بخنقة ،
غلقت تيلفوني ، ورديت أقرا قرآن ،
احتمال اليوم يكون آخر يوم فارمضان ،
عالأقل أستغله عدل . .







.
.
.

إذا حصّلت ردود ترضي مخي اليوم ؛
يمكن أنزل لكم البارت الثاني [ اليوم ] . .


أم زايد

الحمدُللهِ كثيراً 3>
  اضافة رد مع اقتباس نص هذه المشاركة
قديمة 12-09-2010, 01:50 PM   #23 (permalink)
.+[ متميز متقدم ]+.

 
تاريخ الإنضمام: Apr 2010
المشاركات: 141
معلومات إضافية
السمعة: 1085285
المستوى: سراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond repute
الجنس: female
علم الدولة:
الحالة: سراآب غير متصل
افتراضي رد : |[ متاهـات ؛

لــ "مخك" أجمل باقة
\
\
أبدعتي ريماني
\
\
عشت الأحداث حدث بحدث وكأن المواقف أمامي
\
\
أبدعتي قليلة في حقك
\
\
على أحر من الجمر أنتظر
  اضافة رد مع اقتباس نص هذه المشاركة
قديمة 13-09-2010, 05:39 AM   #24 (permalink)
.+[ متميز مخضـرم ]+.

 
tab
صورة 'أزهار الحب' الرمزية
 
تاريخ الإنضمام: Oct 2007
الإقامة: السعوديه
المشاركات: 815
كافة التدوينات: 1
معلومات إضافية
السمعة: 4713798
المستوى: أزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond reputeأزهار الحب has a reputation beyond repute
الجنس: female
علم الدولة:
الحالة: أزهار الحب غير متصل
المزاج: ??????
الرسالة الشخصية
اللهم أعني علي خدمة كتابك
افتراضي رد : |[ متاهـات ؛

متابعه بصمت منذوا البدايه

رائعه والمشاعر فياضه

كلنا في شوق للأتي
  اضافة رد مع اقتباس نص هذه المشاركة
قديمة 13-09-2010, 01:57 PM   #25 (permalink)
|{ أمْ زايد . . ~

 
tab
صورة 'M!ss rem@ny' الرمزية
 
تاريخ الإنضمام: Jun 2008
الإقامة: فِي عَالمِي وَبيْنَ دفّتَيْ أَحْلَامِي . . }-
المشاركات: 1,377
كافة التدوينات: 19
معلومات إضافية
السمعة: 14254696
المستوى: M!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond repute
الجنس: female
علم الدولة:
الحالة: M!ss rem@ny غير متصل
المزاج: ??????
الرسالة الشخصية
لَوْ يموت الشّوق بقلوب البَشَر مآ يموت بخَآفقي شُوقي عَليكْ ]~
افتراضي رد : |[ متاهـات ؛

|[ متاهـات ؛









الجزء الثامن : -



شليت الفنيان وطيفها مر في بالي ،
شربت القهوة . . وتذكرت كلامها عن الحب ،
فـ أحد المنتديات ،
ابتسمت . .

{ الحب كالقهوة . . مرة ، لكننا نعشق ارتشافها بجنون }

يالله يا مجنونة . . متى بيكتب الله لنا نصيب . .
هه ، ما تدري إني متابع لـ كل حرف تكتبه في النت ،
وحافظ كل نكاتها ،
ما يخفى عليه شي وأنا بو مايد . . !
ههه الله يخلي بطوي ههه مب مقصر ولد الخالة . . !


ماعرف شو سبب بعدها عني ،
كل اللي أعرفه . . إنها بنت حشيم ،
وهالشي يغفر لها كل أساليب القسوة اللي تتبعها مواجهة لـ محاولاتي ..

رديت الفنيان وأنا اهزه يعني اكتفيت ،

وقلت لأماية : تسلمين الغالية ، اقهوتج ماشي أخيَر عنها .
قالت أماية وهي تضحك :
الحينه ماشي أخير عنها ، باجر يوم بتينا الريم ، وبتسوي اقهوتها ،
بتعاف اقهوتنا يابوك !

ضحكت ،
وقلت في خاطريه كلامج سابق لأوانه يا أماية ،
أنا لين الحينه ماعرف راي البنية فيني . .

وجنها قرت أفكاري وقالت :
الريم ما بتحصل أخير عنك ياوليدي ، وإن شاء الله اللي فيه الخير بيجدمه ربك . . !
توكل على ربك يابوية ، بتخبرك . . شو آخر قصيد عديته فديتك ؟
ابتسمت أماية وايد تحب القصيد ، ومريم شراتها تعشق القصيد ،

أقول :-
خفيّة كل أشواقي خفيّة . .
عجيب كل مافيني غرابة . .
أشوف الحب ياخذني مطيه . .
وأشوف القلب بعثر كل مابه . .
تبادى في عذابه والضحية . .
شبه أشلاء قلب ما درى به . .
أحبه أعشقه . . وأحب ضيّه . .
وأموت بضحكته بعد الدعابة . .
وبسمة هالشفايا كل غيه . .
بنظرة من عيونه ما تشابه . .
وإذا نادى يذوب الهم فيه ..
وارى وبل السعادة جد اصابه . .
أحبه وأعشقه ، وأعشق تحيه . .
تقول أهلا وسهلا عند بابه . .


* من روائع الشاعر سلطان العويس . .


وسلامتكم . .


ابتسمت وأنا أشوف الفخر فعيونها وقالت : صح لسانك يا وليدي ، وصح هالمنطوق فذمتي ،
سرحت وأنا أتخيل الريم وهي ترد عليه ،
بهالقول وزود ،،

قطعت عليه سرحاني أماية وهي تقول :
سلطان بتخبرك ؛ وينها أختك عوشة ؟

ضحكت : هيييه يا أماية تسأليني عن عوشة ؟
هاي زابنة في حجرتها وتيلفونها معلق فذنيها ما تفارجه ،
تتحرين عبود مخلنها في حالها !!

:- وشو يخصك في عبودي إنت . . ؟

تطالعتها منصدم وقلت : وييين اللي تستحي وحالتها لله !! من ملجتي أشوفج فصختي الحيا !
قالت أماية وهي تنقم عوشة : يا بويَة راح زمانّا الأولي وربي من كثر الحيا من أبوك . . ياما دعمت يدران !!
وتناقعنا ضحك ،

و ع ضحكنا دخل الوالد ، ونشينا نوايهه أنا وعوشة ،
الوالد : هاه سلطان ، ما سرت الميلس عيل ؟
ابتسمت : أفا عليك يابوية ، أسير الميلس ونحن مواعدين الريال ؟
ضحك وقالي : هييييه ، يالله قوم عيل ، الريال أكيد يتريانا . .
وسرت للمجهول اللي يترياني ،
نحن اليوم بنسير نرمس أبو مريم ، ونطلبها منه . .
والله يعين ، يارب . . يارب . . يارب !



,
،
،


حادرة المسن ويالسة أتحرطم على بطوي ،

bee3ooo b9l = بطي
كل ما قلت استهانت حل بالخافق / ذبول = أنا . .

’,






سمعت الجرس وانصدمت !
معقولة تكوون رمسته صح ، سرت بسرعة أوايج ،
وبالفعل ريت سلطان وأبوهْ . . وبطي التيس وياهم . .
وأشوفه ياي جدا الصالة . .

ربعت بسرررعة وسرت حجرتي ، وقفلت الباب . .
وايد طولت لساني ، بيلعوزني وبيعفني حياتي ،
مب طالعة له . .
طفيت الليتات ، وانسدحت بهدوء ،

غمضت عيوني ،
وأنا أستشعر حلم وجود مطر في حياتي ،
وفي كل تفاصيلي . .
همست برجا :

يارب قوي شعور الصبر فيني ؛
وعسى نهاية صبري ، قرب وعناق . . !


توني ببدا أرسم الحلم ، خرب عليه هادم اللذات ،
بطوي العنز وهو يدق الباب بأقوى ما عنده ،

ويقولي : ريموه افتحي الباب أدريبج مب راقدة . . !
لبسته ،، وخليته يطبل ع راحته ،
الحينه بتيه أماية وبتزخه من كشته . .

زفت . .

لا ، حبيبي الزفت بس. .
هو اللي محتل الصدارة في هاللقب ،
أحلى زفت في حياتي . .

ابتسمت وأنا أتذكر ردة فعله ،
يوم سألني [ ليش تحبيني . . ؟
وقلت له : لأنك زفت !

هههه ماعرف كيف طلع جوابي جذه ،
بس يعني يستهبل ، !!

سكت ،

ماعرفت هل أغوص في الحلم ، وأرسمه وأزخرفه شرات ما أبا !

تذكرت . . !
سلطان وأبوه يايين اليوم
مب وقت أحلام . .
أبا أعرف القرار ،
أنا أعرف إن ابوية ما بيرمسني ،
بيخبر أماية وهي بتشوف متى ما تبا بترمسني عن الموضوع ،
وأنا أبا أنهيه الحينه ، هيييه الحينه !!
نشيت ، وفتحت الباب . . وشفت بطي جدامي !!


.
.
.


أم زايد

الحمدُللهِ كثيراً 3>
  اضافة رد مع اقتباس نص هذه المشاركة
قديمة 14-09-2010, 12:03 AM   #26 (permalink)
.+[ متميز متقدم ]+.

 
تاريخ الإنضمام: Apr 2010
المشاركات: 141
معلومات إضافية
السمعة: 1085285
المستوى: سراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond reputeسراآب has a reputation beyond repute
الجنس: female
علم الدولة:
الحالة: سراآب غير متصل
افتراضي رد : |[ متاهـات ؛

وبالفعل ريت سلطان وأبوهْ . . وبطي التيس وياهم . .
\
\
\
هههههههه أضحكتني من القلب
\
\
بانتظار الجزء القادم
  اضافة رد مع اقتباس نص هذه المشاركة
قديمة 14-09-2010, 12:08 PM   #27 (permalink)
έŁфąlъ ĄĿђάиŏỠỏŋ┐└

 
tab
صورة '[Teflh 5ajolh]' الرمزية
 
تاريخ الإنضمام: May 2010
الإقامة: AĐ~>ღ
المشاركات: 100
معلومات إضافية
السمعة: 2322219
المستوى: [Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute[Teflh 5ajolh] has a reputation beyond repute
الجنس: female
علم الدولة:
الحالة: [Teflh 5ajolh] غير متصل
المزاج: ??????
الرسالة الشخصية
طفله خجوله
افتراضي رد : |[ متاهـات ؛

حلوووووووووووووووووووووووووووووووووووه القصه واااااااااااااااااااااااااااايد
واترياااااااااااااااااااااااااااااا التكملة

  اضافة رد مع اقتباس نص هذه المشاركة
قديمة 14-09-2010, 02:10 PM   #28 (permalink)
|{ أمْ زايد . . ~

 
tab
صورة 'M!ss rem@ny' الرمزية
 
تاريخ الإنضمام: Jun 2008
الإقامة: فِي عَالمِي وَبيْنَ دفّتَيْ أَحْلَامِي . . }-
المشاركات: 1,377
كافة التدوينات: 19
معلومات إضافية
السمعة: 14254696
المستوى: M!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond repute
الجنس: female
علم الدولة:
الحالة: M!ss rem@ny غير متصل
المزاج: ??????
الرسالة الشخصية
لَوْ يموت الشّوق بقلوب البَشَر مآ يموت بخَآفقي شُوقي عَليكْ ]~
افتراضي رد : |[ متاهـات ؛


|[ متاهـات ؛






الجزء التاسع :


:- يابوية دخيلك افهمني . . !
:- قلت لك تيبها البيت يعني تيبها البيت . .!
:- خبرني شو السبب !!
مب إنت اللي قايل خلها تلتعن شو تبابها . . !

سكت أبوية بحسرة وقال : وتباني أشوف شوق ضايعة . .
تباها تضيع شرات ما ضيعتكم !!
قلت له : يا أبوية إنت ما ضيعتنا ولا شي،
كل اللي حصل أمر ربك . .
وإنت ما سويت غير واجبك يوم سترت ع أماية حصة !
وإلا نسيت إنها كانت عايشة بروحها ومحد عندها . . !

قال أبوية بألم : بس أنا جتلت أمك . . ! جتلتها . . !

نشيت ويودته بقوة وقلت له بيقين : يا أبوية . . أماية مب من هالنوعية من الحريم ،
هي كانت تدري إنك ماخذ أماية حصة ، ومع هذا ساكتة ،
هي مخبرتني . . وقالت لي أنا راضية على أبوك . . !
بس لين متى بيخش عني !!
لين متى ! ليش ماخبرني ؟
أنا حرمته . . إن ما آويت سره في بيري ،
أي بير بيضمه !!
واليوم اللي يبت فيه حرمتك ،
هي كانت تعرف إنك بتيبها ، بس هي امبونها تعبانة ..
ما ريتها وهي طايحة وتوصيك وتوصي أماية حصة علينا ؟
ما تذكر عدل ، وقوف أماية حصة وياها فالدختر . .
خلاها تقولها وجدامنا : أنا الحينه تطمنت ع ريلي وعيالي . .
الحينه تطمنت ع ريلي وعيالي . .

وتروح عند ربها ،
لأنه اختارها . .

بسنا يابويه بسنا ،
لاتعذب عمرك زود ،
وموزة ياهل تعق رمسات وما تحاسب ،
لا يغرك طولها . .
وموزة ما تغيرت إلا يوم رابعت . .
سكت . .
شو أقوله !!

كمل عني أبوية : إلا يوم رابعت غادة ، ، أدري !!

سكت وعقب قال : عيل يوم إنك ما بترد غادة . .
تراها غادة اليوم مخلصة عدتها . . وباجر بتنخطب ،
أنا قلت تتلاحق عليها أخير . .

بطلت عيوني : خيبة تخيبها من حرمة . . !
شو عندها هاي !! عنبوه !!

أبوية بأسف : الله يهديها ،
والله لو تشوف أخوها كايد ، أحس به يبا يجتلها من الغيض لي فيه ،
بس شو نسويبها مدلعة , , وأمها الله يهديها ما تقولها شي !

قلت له : زين يوم هي بتعرس ،
عيل أنا بشل الشوق . . وبخليها عندي ،

قالي : والشوق يا بوالشوق ، يبالها أم تراعيها . .

عرفت شو في خاطره ، ونشيت بنهي الموضوع :
أماية مابتفصر ، بتحط شوق فعيونها . . ’ !


وظهرت قبل لا تظهر منه أي رمسة زود !
يت في بالي مريم ،
من كمن يوم مالها حس مول ،
ولا طرشت لي شي !
معقولة . . جرحي لها كان كافي إنها تبتعد !
سكت !!
يعني إنت عايبنك تواصلها وياك !!
إلا مسجات انزين !!
أف ،
ليكون أحبها بس ؟
لا شو . . وين أبا أحب . . !
الحب خربطااان ، مافي شي اسمه حب في هالدنيا . .

ركبت سيارتي . . متوجه للبحر . .
بعطيه من اللي عندي ،
بدون بوح !





.
.




:- مابـاه يعني مـاباه أنتوا ما تفهمون . . .؟
:- وليش ما تبينه يا بنتي .. ؟ فيه شي ينعاب . . !

سكت بغصة ، شو أقوله .؟ لأنه من طرف حرمته اللي ما أدانيها . . !
ييت بطلع لي أي علثة وبخورط . .
لكن هزّ البيت صوت قوي وصراخ . .
ربعنا أنا وأبوية ونتطالع شو مستوي . . !
انصدمنا . . ونحن نشوف حصة . . حرمة أبوية ،
طايحة من الدري لييين تحت . .
مت من الخوف عليها . .
يتني مشاعر جداها في حياتي ما مرت صوبي ،
ربعت لها أصارخ وأصيح . .

ربعت لين وصلت لها ،
ويودتها من جتوفها وأنا أصيح : أماية . . أماية صابج شي يا أماااية ؟
أبوية سار يشغل السيارة وقالي : هاتي عباتها ووقايتها . . واتصلي بأخوج مطر . .
حسيت ماعرف شسوي . . هالموقف صعب .. صعب . .!
تميت أهزها : أماية . . أماية دخيلج لا تروحين . . أباج أباج منو لي غيرج . .
سحبني أبوية وهو يقول : مب وقته يا موزة . . قومي يلا . .
وربعت بسرعة أييب عباتي وعباتها ، وشليناها أنا وأبوية ،
وسرنا به للمستشفى وع الطواري على طول . .

دخلوها بسرعة وبدن الممرضات يترابعن . .
وقلبي خلاص بيهلك . .
تأنيب الضمير من صوب ،
وخوف عليها من صوب ثاني. .
ليش ؟ ليش أخاف عليها ؟
مب هذا اللي أباه ! إنها تموت ونفتك . .
حسيت بخنقة ، ماعرفت شسوي . .

صديت وشفته . .
ياي يربع . . ودموعه ع خده . . !
سالم ، ولد يرانّا .. ويقرب لأماية حصّة ،
ويعزها وايد . . وهو . . هو اللي خطبني !!
يا جدايه وهو يلهث : شو ياها ؟ شو ياها خالوه حصة يا موزة ؟
رديت عليه ودموعي ع خدي وبصوت متقطع : طـ ا ح ت م ن ف و ق الد ر ي !
شفت الصدمة ع ويهه ، وتألم قلبي . .
قلبي ناغزني اليوم من أصبحت ،
تطمنت على مطر . . وعلى شوق . . وعلى أبوية . .
إلا أماية حصة ، ما سويت لها سالفة . .
طاحت دموعي زود ،
وأنا تمر جدام عيني كل المواقف اللي عقيت أماية حصة فيها . . !
وأنا أسبها . . وألعن الساعة اللي يت فيها البيت ،
وهي صابرة وساكتة . . وتعدني بنتها . . !
بنتها !
بنتها . . !

آآه . . يا أماية آآه . .




.
.
.




ييت بأقصى سرعة للمستشفى ، وأنا إدعي إن أماية الحص ماييها شي . .
وصلت هناك . . وشفت سالم موخي ع تحت وميوّد حد ، ويزاقر !!
قلت خير شو ياه سالم بعد !!
سرت جداه بسرعة وأنا أحاتي . . قلت له : خير يا سـ
وانقطعت رمستي وأنا أشوف موزة أختي طايحة ع الأرض . .
شليتها بسرعة ، وأربع عند النيرسات يشوفنها . .
وما قصّرن . . وحطوها في حجرة ترتاح . .

استغربت معقولة موزة استوابها جذه عشان أماية حصة ؟
طلع الدكتور من عند أماية . .
ووياه أبوية ،
سرنا جداهم أنا وسالم ،
سالم : هاه يا دكتور طمنا ع الوالدة . . ؟
الدكتور : والله الوالدة الحمدلله ما يتها غير رضوض خفيفة بالرغم من طيحتها القوية ع وصفكم !
والحينه هي راقدة من التعب . . بنحولها لحجرة وتقدرون تيلسون عندها . .
رديت عليها : الله يبشرك بالجنة يا دكتور . .
ابتسم لي ، ومشى . .

اتطالعت أبوية اللي عيونه تدور فالمكان ، وقلت له : أبوية مضيع شي ؟
قالي بخوف : أختك . . موزة وينها ؟
ولف نظره جدا سالم باستفسار . . !
قلت له : أختي طاحت علينا اهنه وما من شر يا أبوية لا تخاف ، إلا تتدلع بنتك . .
لف عليه بخوف وقال : وينها ؟ وينها ؟ وينها قلب أبوها خبرني . .
قلت له فأي غرفة . . وسرنا أنا وسالم لـ غرفة أماية اللي نقلوها لها . .
يالسين اهناك ، وأماية راقدة . .
شفت سالم يتطالع أماية بحنية . . وسرحان . .
سرحت في ويهه وفي ملامحه ،
ملامحه كلها حنية . . كلها مشاعر . .
ما جد ريت الجمود فيها . . !
يا ترى شو اللي خلاه يخطب أختي موزة ..
وموزوه معروفة إنها طابوقة ما تحس !
ابتسمت ، وين ما تحس وهي طاحت علينا . .
والله ما عرفنا لج يا الموز ،
طحتي لأنج تحبين أماية وخايفة عليها ..
وإلا طحتي من صدمة قرار أبوية . .
بيوّزج سالم غصبن عنج . .
الله يبعدني عن خربطانهم وعن الغصب . .
هاللي مادانيه ، يتفننون بتعذيب الواحد ،
يوم يونه ويقولوله . . ترى نحن خطبنا لك فلانة بنت فلان ،
وأنت فاج ثمك لا حاطنها في بالك ولا عندك خبر بها . .
عنبوه !!
تخبرونا أول ، يمكن حد في بالنا . .
حست بوزي وأنا أفكر بطريقة تفكير بعض الأهل . .
وما أتخيل أبوية يحطني في هالموقف . .

انقطع حبل أفكاري بصوت سالم وهو يقول : علني أفدا عيونج يالغالية ، شو حالج الحينه ؟
صديت وسرت جداها واسمعها ترد عليه : الحمدلله يا ولدي . . الحمدلله . .
حبيت راسها وقلت لها : هالكثر متولهه ع الشوق !! عقيتي عمرج من السلم !!
أفا عليج من تظهرين من المستشفى بييبها عندج وبتربينها شرات ما ربيتينّا أنا وأختي . .

ابتسمت بحنية وقالت : صدق والله ؟ بتيبها على طول وإلا شرات دوم ؟ بس يوم وإلا يومين . .
رديت عليها : لا غناتي . . إن شاء الله على طول بتكون وياج ..
ضحكت بفرحة وقالت : يلا عيل اليوم لازم أظهر من المستشفى عشان تيني الشوق ، متولهه عليها ..
ودمعت عيونها . .
ضحك سالم وقال : لاااا شكلي بغار من هالشوق لي خذت كل الغلا منا . .
ابتسمت وقالت له : صخ إنت صخ ! ما خليت حد إلا وغرت منه ، عنبوه مب غيرة عليك !

ضحكنا كلنا . . ويا أبوية وهو يتطالع أماية بصمت . .
وعيونه تنطق بوايد أشياء . . واايد . .
ولأول مرة عيون أبوية تفتح المستخبي من حب لـ أماية . .

أشرت لسـالم وظهرنا ،
بنخلي عيوزي وشيبتي ع راحتهم اليوم ،
خلا يعيشون الحب . . ههه عاده فالمستشفى ؟
والله حالة . .
ريت سالم وفي ويهه سؤال ، ابتسمت وقلت له : إنت في بطنك شي . . زوعه !
لف عليه وعفس بويهه وقال : إنت ما تعرف تستخدم مفردات عدلة . .
ضحكت وقلت له : لا خليتهن لك . . يلا قول ؟
ابتسم وبينت ع ملامحه إنه متلوم ومب عارف شو يقول ،
ضحكت وقلت له : مناك يلا مناك ، ما عندنا بنات يتكشفن ع رياييل غرب ،
يوم بتغدي حرمتك هاييج الساعة ما عندي اخلاف . .
ابتسم وعطاني نظرة وقال : يعني تعرف إني خاطب أختك ؟
ضحكت بشر وقلت له : هيه أعرف ، وتتحرا أبوية بيشاورها قبل لا يشاورني أنا الشيخ مطر ،
قالي : أمحق شيخ ،
صديت جداه وقلت له بتهديد : أمحق شيخ يا سالم ؟ متأكد من رمستك اللي تعقها . .
اتطالعني بصدمة وقال : ليكون بتسويها بس !!
قلت له : عاندني وطول لسانك وبتشوف . .
قالي : سر مناك ، تباني أحب ريولك أقولك يوزني أختك ! الشور الأول والأخير عندها ، وإنت ما يخصك يلا . .
ضحكت شكله عصب . .
قلت له : بلاك عصبت انزين ؟ ، قم قم سير بيتكم وأنا بسير عند أختي حبيبتي . .
اتطالعني بقهر وقال : يلا عيل فمان الله . .
وتوايهت وياه وقلت : فمان الكريم ،
وسار . .
ابتسمت وأنا أشوفه مقفي وقلت في خاطري والله إنك أصيل ،
بالرغم من إنك كنت ويانا في صغرنا . . وشايف كل اللي نحن نشوفه في البيت ،
إلا إنك بغيتها . .
بلسانها الطويل ، بعنادها . . برمستها اللي تنعق كالسم . .
خلوني أسير لها وأتطمن عليها ،
عن تسويلنا مناحة بعد . . !




.
.
.



يُتبع !



الحمدُللهِ كثيراً 3>
  اضافة رد مع اقتباس نص هذه المشاركة
قديمة 14-09-2010, 02:10 PM   #29 (permalink)
|{ أمْ زايد . . ~

 
tab
صورة 'M!ss rem@ny' الرمزية
 
تاريخ الإنضمام: Jun 2008
الإقامة: فِي عَالمِي وَبيْنَ دفّتَيْ أَحْلَامِي . . }-
المشاركات: 1,377
كافة التدوينات: 19
معلومات إضافية
السمعة: 14254696
المستوى: M!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond reputeM!ss rem@ny has a reputation beyond repute
الجنس: female
علم الدولة:
الحالة: M!ss rem@ny غير متصل
المزاج: ??????
الرسالة الشخصية
لَوْ يموت الشّوق بقلوب البَشَر مآ يموت بخَآفقي شُوقي عَليكْ ]~
افتراضي رد : |[ متاهـات ؛

تابع الجزء التّاسع :-



.
.

: آآآآآآآآآآآآآآآي ، هدني والله بخبر عليك أبوية ، أف ذبحتني بس !
: ههههه عشان مرة ثانية ما تطولين لسانج ، وتعانديني . .
وير شعري زود بغمت عليه وأنا أشوف نص شعري فايده ،
دمعت من غصتي وأنا أقوله : حرام عليك . . إلا شعري !!
تطالعني بخبث وقال : إلا شعرج مريووم ؟ نسيتي يوم سويتيلنا المفاجأة الخايسة ،
ورديتي من الجامعة وشعرج مبتّر ؟
ضحكت وأنا أتذكر هذاك اليوم ، وأحج راسي م الويع لي فيه . .
قلت له : أف حشى مب إيد عليك ،
بقق عيونه وقال : ردي الشهادي يالعنز ،
قلت له : لا تخاف عيوني مب حارة . . !
قالي : شو دراج ؟ ، أصلا ما يحسد المال إلا أصحابه . .
قلت له : إنت قلتها ، يعني إنت اللي بتحسد عمرك مب أنا ،
ومشيت عنه وأنا أقوله : وينها أماية ؟
قالي وهو متفاجئ : إنتي شو ؟ وين عايشة !!
رديت عليه مستغربة : بلاك .؟
قالي : أمج من أذّن المغرب وهي سايرة السوق ويا أماية ، مالت ع ويهج !
هذا وإنتي مطيحة فالبيت ما تعرفين عن هل بيتج ، وين إن استرغدتي . . ؟
صديت جداه وجبدي لايعة منه قلت له : ما يخصك ،، وجَبْ . . !
نش : أنا جب ؟ أنا جب ؟
أفف وربي مب متفيجة أضارب قلت له وأنا أمثل الخوف : لا لا . . أنا جب أنا جب ،
ضحك وهو ينفخ عمره : هيييه جي أباج . . !
اتطالعته بقهر ..
يلس حذالي وبينت ملامحه الجدية ع ويهه وقال : مريوم ؛ بتوافقين على سلطان ؟
صدمني ، وصدمتني ملامحه الجادة أكثر ، خفت ماعرفت شقوله ،
لأول مرة في حياتي أحس إني ماقدر أفضفض لـ بطي ،
هو ربيع سلطان ، وأكيد سلطان ما يهون عليه ، ماقدر أرمس . .
تنهدت وقلت له : اللي ربك كاتبنه بيصير ،
انصدمت من الجملة اللي ظهرت مني ،
وهو ابتسم بخوف وقال : ما توقعت هالجواب ،
بس يالريم صدقيني ما بتحصلين في هالدنيا واحد شرات سلطان ،
إنسان يخاف ربّه ، ويحبج . . فوق كل هذا يحبّج ، ويتمنى رضاج . .
أي شي تبينه بيسويه لج ، ماعنده خلاف . . بس روفي بحاله ، روفي بحاله ،
وخليه يسكن خفوقج شرات ما سكنتي خفوقه . .
صديت عنه بضيج . .

وإن كان خفوقي محتلنه شخص ثاني شسوي . .
شسوي !
هيه يا مطر ؛
شكلي بوافق على سلطان . .
دامي ما أهمك ،
ولا سويت لي أي اعتبار . . وإنت تعق عليّه رمستك . .
صدقه بطي ، عالأقل سلطان بيحشمني ،
ليش ما أوافق عليه . .
خلاص من يخبروني . . بصلي استخارة . .
والله يكتب لي فيه الخير . .
الله كريم . . الله كريم . . !

صديت وما حصلت بطي . .
شكله خلاني في عالمي وسار عني ،
نشيت وسرت حجرتي ،
وشغلت التلفزيون . . ويلست أبدل من قناة لـ قناة . .
مب عارفة أستقر في مكان ،
عاده أنا معتزلة المسلسلات ،
ع طاري المسلسلات ، والله محد مخرب ارمضان ،
وجوه الحلو غير هالدراما . .
عنبوه ،
بدال لا نصلي ونعبد ونذكر الله ،
نفج حلوجنا ونحن نبدل من مسلسل لـ مسلسل . . !

بندت التلفزيون ،
وشليت تيلفوني . .
ويلست أطرش مسجات لربيعاتي ،
فتحت بكتب مسج . .
عقلي مشوق ومب عارفة شو أكتب ،
وليش أكتب . .
إنتي ما عاهدتي عمرج تبتعدين عنه ؟
ليش بتطرشيله مسج !
آه ، أبا أذكره فيني . .

{ ما أقدر أفسر في خيالي . . معانيك . .
لكن تمنيت / أوصل . . [ حدود بـالك ] ،
وأعرف وش أغلى ماتمنّاه و أعطيك . .
عسى السعادة دايم الدوم . . ~ فالك ’،


يا أزفت مخلوق في هالكون ،
ا ش ت ق ت ل ك
}

طرشتها ،
وتحسرت وندمت . . ليش ليش ليش تطرشينها . . !
جلبة إنتي جلللللبة . . !

وصلني مسج وفز قلبي :
" شحالج مريم "
رديت " الحمدلله ، شحالك انت ؟ "
رد : " بخير وسهالة ! "
خلصت سوالفنا . .
سكت وأنا مغمضة عيوني بألم ،
وصلني مسج ، فتحته وكان منه
: " على فكرة ، أماية فالمستشفى وأختي الموز طاحت بعد ، وإن شاء الله باجر بيرخصونهم "
انصدمت .. حرام شو ياهم !!
طرشت له : " بسم الله . . ! بلاهن شو ياهن . .؟ ،، سلامتهن وما يشوفن شر "
رد عليه :
" أمي الحص طاحت من الدري ولا تحاتين إلا رضوض والحمدلله بخير ،
والموز من صدمتها أغمى عليها وبعد هي بخير ولا تحاتين ، الشر ماييج
"


سبحان مغير الأحوال . .!
موزوه . . تخاف ع خالوه حصة !!
شو مستوي بالدنيا !!

طرشت له : " ويييه حرام !! ، فديتهن ما يستاهلن "

رد عليه : " مب ناوية تزورينهم ؟ "
انصدمت من سؤاله ،
أكيد بزورهم بس ما بخبرك . .
وليش تسأل ، أهمك وإلا شو . . . !

رديت عليه : " هيه ناوية أزورهم بس مابخبرك متى "
رد عليه : " عادي "

يعني ما يهمك !
عيل ليش تسأل ؟

دورت رقم موزة واتصلت بها . .
رن ورن ورن ومحد رد . .
عقب وصلني مسج من الموز : الريم اسمحيلي والله ، يالسة ويا أبوية وماقدر أرد عليج ،
طرشت لها : " لا أفا عليج عادي ، سلمي على عمّي ^^ "
ردت : " يبلغ إن شاء الله .. مم ريموه ترى أنا وأماية حصة فالمستشفى  "

قلت سبحان مغير الأحوال !
من متى موزة ترمسني بهالهدوء ، ههه ،
الله لا يغير عليج ،

طرشت لها : " خير شو مستوي ؟ "

ضحكت على عمري ، ياللوتية أونج ما تدرين بلاهن !!
وكملت وياها المسجات شو مستوي وسلامات وما تستاهلن ،
لو تدريبي إن العلم عندي . . جان شاتتني ههه . .

وحليلج يا موزة ، وأخيرًا حسيتي بقيمة خالوه !!

فتحت دفتري وكتبت :

غريبٌ أمرنا . .
لا نشعر بـ قيمة من نحب ،
وبأحاسيسنا . . إلا إن اختفوا من حياتنا . .
أو أصابهم مكروه . .

.
.

لا أطيق الفراق ، لا أطيقه أبدًا ،
فيارب لا تذقني حزن أحبابي ، لا تذقني حزنهم . . !


.

الحمدُللهِ كثيراً 3>
  اضافة رد مع اقتباس نص هذه المشاركة
قديمة 15-09-2010, 06:25 AM   #30 (permalink)
.+[ متميز ذهبي ]+.

 
tab
صورة 'صوت الصمت' الرمزية
 
تاريخ الإنضمام: May 2007
الإقامة: في سواد الليل الحالك
المشاركات: 3,301
كافة التدوينات: 1
معلومات إضافية
السمعة: 98333672
المستوى: صوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond reputeصوت الصمت has a reputation beyond repute
الجنس: female
علم الدولة:
الحالة: صوت الصمت غير متصل
الرسالة الشخصية
نحن لا نملك عقول الآخريـن , ولكننـا نملك الطرق على أبواب عقول الآخريـن.
افتراضي رد : |[ متاهـات ؛

يالله يا ريمااني !

تصدقي قرأت أول بارتين فثارت في صدري غصص وبراكين لا يعلمها سوى الرحمن

وأقسم لك فعلا اضايقت جدا وماكنت ناوية أكمل من البداية من شدة ماتحتويه القصة من ألم !!

ولكن سبحان الله قررت أن أكمل وبدأت أستمتع بالقراءة نوعا ما بالرغم من كل هذا الألم الذي تحتويه

مع تتابع الأحداث بدأت أشعر بالتشويق للآتي :)

أنتي مبدعة وبقوووة ^^

أحس نفسي تكون نهاية القصة >>

" وأخيرا راح مطر وتزوج مريووم وتحققت أحلامهم وأمانيهم

وبطي لازال يهبل ف مريوم ويستهبل عليها ويطفرها ف عيشتها من وقت للثاني خخخخ

وموزوه تزوجت سالم وعاشوا سعداء مبسوطين

>> بس هو سلطان اللي كاسر ف خاطري والله ! :(

<< ع كيفي حطيت نهاية هههههههه

ياخي أحب النهايات السعيدة ^^

يلااا ريماااني بانتظار الأحداث الجديدة احم :)

أعتذرلك طول عمري وإن بغيت .. خذ دموعي وأكتب بكفي وفيت
..,..,..

" الأشقياء في الدنيا كثير , وأعظمهم شقاء ذلك الحزين الصابر الذي قضت عليه ضرورة من ضروريات

الحياة أن يهبط بآلامه وأحزانه إلى قرارة نفسه فيودعها هناك , ثم يغلق دونها باباً من الصمت

والكتمان , ثم يصعد إلى الناس باشَ الوجه باسم الثغر متطلقا متهللا , كأنه لا يحمل بين جنبيه هماً

ولا كمداً ! " المنفلوطي
  اضافة رد مع اقتباس نص هذه المشاركة
اضافة رد

العلامات المرجعية


الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف)
 
أدوات الموضوع

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة
Trackbacks are متاحة
Pingbacks are متاحة
Refbacks are متاحة



الساعة معتمدة بتوقيت جرينتش +4 . الساعة الآن : 01:27 AM

Powered by vBulletin® Version 3.8.6
.Copyright ©2000 - 2016, Jelsoft Enterprises Ltd
All Rights Reserved© 2001 - 2014, Almotmaiz.net