يوتيوب - أطفـال

البراء · 17-07-2010, 01:38 AM

وهذي رقية يوم صارت عجوز

شروق · 17-07-2010, 10:30 AM

المشاركة الأصلية أضيفت بواسطة : أزهار الحب

ياحلاة البنت تجنن

بس لو كنت معصبه ترفع ضغطك

لو انا مكان الأم ماادري وش اسوي فيها

ضحكني الولد مايحب امه الا لم تعطيه الكوكيز

هلا وغلا بنتي أزهار الحب

العفوية اللي في الأطفال تخليهم ما يكذبون
والولد اعترف لأمّه أنه حُبّه مشروط بالـ" كوكيز " ..
واللي يبا عياله يحبونه يعطيهم كوكيز على طول !

اما الفيلم الأول .. مرت علينا حالات العيال ما ياكلون ولا يخلصون وجبتهم
كنت أعصب .. ما أنكر .. !
بس بعدها تركناهم .. لأنهم بأي حال .. ما بيموتون من الجوع !
المهم .. ما ينحط لهم غثايث ( حلويات وشيبس ) في متناول إيدهم كبديل !

الله يخلي كل العيال لوالديهم .. ويسلمهم
شكرًا يا حبيبة على الإطلالة والتعليق

شروق · 17-07-2010, 10:38 AM

المشاركة الأصلية أضيفت بواسطة : شدو البلابل

ههههههههههه ياحلوهم

اما الطفله الاولـى نحتاج مترجم ياحليلها انواع التصريف

ولما راحت تركض وترقص هذا شي ثاني ههههههههه

اما الصغير في المقطع الثاني

احس فيه شطانه باين من عيونه

وضحكته عجيبه خخخ

واما الطفل الثالث عيال آخر زمن

تصدقين يمه رحمت عينه

ههههه

ربي يسعد قلبك يمه من جد انتقاء جميل وبراءة الاطفال حلوووه ومضحكه

شكرا ياعيون شدو

هلا يا عيون شروق

الطفلة الأولى مسكتة الصراحة .. جدال ونبرة الصوت جادة !!
شو فهمنا ؟ وإلا شو فهموا أبوها وأمها ؟؟ ما أدري !

المهم إنها مشتطة في الجدال والنقاش
وهوا الرقص عندهم .. من الصغر تمام مثل الفلفل !

الله يسلم قلبج بلبل .. ويسعدج
شكرًا يا غالية على التعليق هنا .. وفي التقييم
..

وشكر آخر لبنتي أمل الوجود على التعليق " هناك "

شروق · 17-07-2010, 10:45 AM

المشاركة الأصلية أضيفت بواسطة : البراء

السلام عليكم ورحمة الله وبركاته

مقاطع بجد جميلة
اسمحي لي اختي شروق اضيف هذه المقاطع

بنت تدعي على ابوها من القهر

عليكم السلام ورحمة الله وبركاته

يا ويل قلبي عليها .. صيّحوها من الخاطر من كثر الفتين والمنازع !

ما تنلام البنوته .. دعت عليه من القهر صدق !

ربي يسعدك أخي أبو البراء .. وتسلم عالإضافات الجميلة
وما يحتاي تستأذن يا الطيب ..
الموضوع لك .. وللجميع .. وتسعدني مشاركاتكم وإضافاتكم

سلمت وغنمت على التعليق في التقييم :)

شروق · 17-07-2010, 10:56 AM

المشاركة الأصلية أضيفت بواسطة : البراء

وهذي بنت إمارتية سمعوها واذكرو الله

بسم الله عليها هالبنوته ..
الله يخليها لأهلها .. ويحفظها .. ويكفيها شر العين والحسد

رمسه إماراتية من الخاطر .. صدق !
فديت روحها !

تسلم أبو البراء .. والله يخلي لك فطومه وخواتها واخوانها

شروق · 17-07-2010, 11:17 AM

المشاركة الأصلية أضيفت بواسطة : البراء

وهذي الثالثة جاها اتصال يقولون لها ولدكِ مات

حليلها .. !
هذي اللي صدقت السالفة .. وجلبتها دراما !!
لا وتتأكد من اللي مات :" أبوها " وإلا " ولدها " !؟

جَـنْها شايفة حد يلطم جدام عينها من قبل !

الله يسعدك أخي أبو البراء .. مقاطع ظريفة جدًا ..
الله يخلي هالبنوته .. ويخلي لها ولدها

شروق · 17-07-2010, 12:14 PM

المشاركة الأصلية أضيفت بواسطة : البراء

وهذي رقية يوم صارت عجوز

والله شكلها رقية ولا تدري بالدنيا !

حلييلها .. كتكوته في عالمها

بس في خاطري - أبو البرا ء- تخبرني شو تاكل هالبنوته ؟
ما ظنتي بصل !!

بس البنوته اللي تعد القصيدة .. حلو صوتها ماشاء الله
تسلم يا الطيب .. لا خلينا ولا عدمنا إطلالتك أخي

حلُم ... · 17-07-2010, 12:33 PM

~

فديت البنوتة الأولى ،، فديت عمرها وروحها !!

يا الله براءة الأطفال تلين القلب القاسي ~

ولا اللي مات أبوها مدري ولدها !! ذكرتني بقصة في الروضة صارت لي :-

كنا قاعدين شلة بنات ، وحده الله يستر عليها أذكر حتى اسمها " ريـــــــم " ، كانت ترمس عن عيالها الإثنين

التوم ، و نحن صاخين ونسمع و اللي يضحك إنا نحن مصدقين !! وشوي و قالت إنها كانت شايلة واحد منهم

وإني أنا كنت شايلة الثاني و طاح عني من فوق الكثبان الرملية !! و قالت :- حتى اسئلوها !

وأنا بعد الله يهداني :- إيه صج كلامها !!

أستغفر الله العظيم !!

بعد كل هذا مدري ليش الوالد - ربي يحفظه - مُصِر و دوم يقول:- الياهل ما يجذب !!!

ماما شروق ~

بابا البراء << هع هع أقصد مشرفنا الموقر ~

يعطيكم العافية ~

شروق · 17-07-2010, 12:49 PM

وإنت ليش ما مسكتي الياهل عدل .. عشان ما يطيح من فوق الكثبان الرملية
تدربح .. وطاح !!

لا وسايرين برور وعراجيب .. ومسلمينكم التوم !!

الياهل ما يجذب .. لأن الصورة اللي في باله .. هي خاصة بعالمه
ما نقدر نحكمها بواقعنا !

شكرًا لسرد سالفة التوم بنتي ..
والله يواليج العافية

وبابا البراء .. ما ظنتي بيتضايق منها

فارسة السلام · 17-07-2010, 05:02 PM

السلام عليكم ورحمة الله وبركاته ..

ما شاء الله عليهم عسووووووووووووووولييييييين كلهم ..

الله يحفظهم ..

أول ياهل عسول، لا وكانت اتقلد امها بعد فمسكة ايدها وتشرح لها الموقف وهي واثقة من نفسها ... وأول ما سمعت الإغنية أكبر طاف للنقاش ..

الثاني قمرر، والطريقة اللي ينطق فيها اسم اخوه تشارلي واااااااايد حللوة ..
ويكسر الخاطر يوم تعور ..

والثالث..هههههههههه يقول لامه احبج بس مع الكوكيز ...

أما الروابط اللي أضافها الأخ البراء شفتهن كلهن من قبل عاليوتيوب ورووووووعة ..

تسلمين يا أم سالم ...

مقاطع حلوة ومضحكة وتفرفش ..