يآخًي مآشـآءاللهَ عليكً / أإبدعتً في ردَ ـأإلجميلَ ~‏

شموخ · #1 (**permalink**) 20-04-2010, 04:30 PM

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يـــــــــــذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

منقــول من إيميلي

النــــور · 20-04-2010, 08:16 PM

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

صح لسان قائلها

وشكرا شموخ على انتقائك

شموخ · 24-04-2010, 05:52 PM

العفوو خيتوو ..

شكراً على التواجد

بقايا شتات · 24-04-2010, 05:55 PM

كَـ روحُكِ ..
....................... رآقٍ !

رآئِعة ،

ام المعتز · 03-05-2010, 08:03 PM

طعنات المحب والصديق دائما تدمي القلب
ولكن ما يداوي جراحه اعادة النظر بصداقته فلو كان حقا محب او صديق ما طاوعه قلبه
على الطعن او الخيانة

فطعن الاحبة وخيانتها لاتاتي الا ممن كان قلبه لايعرف للحب طريق ولا للصداقة معنى

قصيدة جميلة واسلوبه رائع ومهذب في الرد على من خان قلبه

اختيار موفق 000بورك فيك رفيع الذوق شموخ