..: سعـ اللواء ـادة :.. كلباوي على كرسي الاعتراف

ابو سارة** · #1 (**permalink**) 11-04-2010, 09:53 PM

بسم الله الرحمن الرحيم

السلام عليكم ورحمة الله وبركاته

صباح / مساء الخير ..

اخواني الاعزاء ... اخواتي العزيزات

أهلا ومرحبا بكم احبتي

وهانحن من جديد على بساط من الاخوة

الصادقة نلتقي لنجدد عهود الوفاء لمن هم أوفياء لهذا
الصرح

نعود ونحن نحمل معنا أزهار روض لم تزل تنشر العبير الفواح و تنور لنا

كل زاوية من زوايا منابرنا المتميزه

ضيفنا على كرسي الاعتراف

عضو غني عن التعريف بشخصيته الرائعه..

والمعروف بمواضيعه المميزه

وردوده الرائعه الممتعه

ضيفنا

7
7
7
7
**سعادة اللواء**
كلباوي

فأهلا وسهلا بك
واتمنى لك جلسه ممتعه

يمكنكم طرح الأسئلة هنا
وسيرد عليها الأخ
كلباوي

ويحق للضيف أن يتجاوز أي سؤال لا يرغب في الإجابة عليه

ونرجو من الجميع عدم طرح الأسئلة الشخصية للضيف

عهـــود · 11-04-2010, 09:58 PM

يااايييي كيووتْ الكرسِي يجَنّن

...

1. هل تحِبّ الطّبيعَة .؟
2. ماَذاَ تَعنِي لكَ الغُيومْ .؟
3. ماَ لونكَ المفَضّل فِي اَلصّباَح & ماَ لونكَ المفَضّل فِي المساَءْ .؟
4. أنتَ شَخص نَشِيط وَمُبدعْ .. فماَ هوَ طموحكَ .. أو اَلشّيء الذِي تصبو الوصولُ إليه .؟
5. هواَيَة تماَرسهاَ داَئمًا .؟
6. هل أنتَ شخص صَبورْ .؟
7. متىَ تبتسِم .؟

...

في انتظار الإجابات بلهَـفْ .. لَاا تتأخّر علَيّه

بقايا شتات · 11-04-2010, 10:14 PM

وعليكم السّــلام ورَحمة الله وبَركآته ،

مَسآ \ صَبآح ، الرّوعة . .

أهْــلًا سَعآدة اللّوآء . . منوّر السآحة الفنيّة ، الأدبية و البرمجيّة

مآ بثجل عليك وآيِد . . ~

1. مَتَى بدأت الكتآبَة الأدبيّة [ شعر - خوآطر - مقالات ] ؟

2. مَتى بدأت هِوآيَة التّصميم ، ، ؟ و شو كآن الدآفِع للبدْء في التّصميم . . ؟

3. موقِف دمعت عينك منّه . .

4. شو المنآبِر بـالنّسبَة لِك . . ؟

5. أسمآء 5 أعضآء مقربين لِك . .

6. أكثر موضوع حبّيته في المنآبِر . . ؟

7. شآعر تتمنى توصل لِمستوآه في [ فن الشّعر ] . . أو بِمعنى شَآعرك المفضّل . .

8. موقِف ضحكك بشدَّة . .

9. اسم آخر كتآب قريته . . وخلاصتِه . .

10. قدوتك في الحيآة بـشكل عآم . .

11. نَصيحة لـي . .

12. حِكمتِك في الحَيآة . .

دَرزن ، وإن شآء الله تكون الأسئلة خفيفة وسلسَة . .

بالتّوفِيق سَعآدة اللّوآ

تاج نجــد · 11-04-2010, 10:57 PM

كلباااوي يا هلا والله

شلون الكرسي ان شاء الله مريح

ممم
مابثجل عليك

- شو احلا مكان بكلباء .. وكم تبعد عن الشارجه ؟
- تعرف تطبخ ؟ .. شو من الاكلات اللي تتقنها
- اكيد تعرف فن اليوله .. هل تتقنه ؟ تعجبني اليوووله والفنون الاماراتيه وايييييد

- رايك بتاج نجــد => قول الصج ماراح ازعل

- نصيحتك لتاج نجــد ..

وششكرن

كلباوي · 11-04-2010, 11:56 PM

المشاركة الأصلية أضيفت بواسطة : عهـــود

يااايييي كيووتْ الكرسِي يجَنّن

...

1. هل تحِبّ الطّبيعَة .؟
احبها وايد بعد
2. ماَذاَ تَعنِي لكَ الغُيومْ .؟
احلم ان انام فوقها
3. ماَ لونكَ المفَضّل فِي اَلصّباَح & ماَ لونكَ المفَضّل فِي المساَءْ .؟
صباحي برتقالي ومسائي تراكوازي
4. أنتَ شَخص نَشِيط وَمُبدعْ .. فماَ هوَ طموحكَ .. أو اَلشّيء الذِي تصبو الوصولُ إليه .؟
مؤسسة إعلامية رائدة
5. هواَيَة تماَرسهاَ داَئمًا .؟
تصميم وكتابة الحب
6. هل أنتَ شخص صَبورْ .؟
بصراحه لا في بعض النواحي ما اصبر
اما في امور كثيره خصوصاً اللي سبق وأن أخطأت فيها اكون صبور
7. متىَ تبتسِم .؟
اذا شفت طفل يضحك لي
...

في انتظار الإجابات بلهَـفْ .. لَاا تتأخّر علَيّه

مشكوره عهوده بس لا تعيدينها زين بس مره وحده

Na3o0m · 12-04-2010, 12:10 AM

يآآآآيييييي سعآآدة اللواااا ع الكرررسييي

الصراحه...الله يكوون بعوونك,,طلعو جماهيرك واايد

وشكلهم بيغرقونك بالاسئله

خخخخخ

وطبعا انا ويااهم

....بس المشكله ماشي سوال محدد فبالي

اترياا علي شويتين,,,بصففلك اسئله ع كيييف كيفك وبرجعلك

كلباوي · 12-04-2010, 12:34 AM

المشاركة الأصلية أضيفت بواسطة : بقايا شتات

وعليكم السّــلام ورَحمة الله وبَركآته ،

مَسآ \ صَبآح ، الرّوعة . .

أهْــلًا سَعآدة اللّوآء . . منوّر السآحة الفنيّة ، الأدبية و البرمجيّة

مآ بثجل عليك وآيِد . . ~

1. مَتَى بدأت الكتآبَة الأدبيّة [ شعر - خوآطر - مقالات ] ؟
امممم في الكتابه فعلياً سنة ٢٠٠٦ صارت فيها احداث كثيره ومنها رجعتي للمنابر بعد انقطاع دام سنوات من ٢٠٠٣ .. في احداث دفعتني للكتابه مع اني كنت اكتب قصاصات هنا وهناك لكن فعلياً وككتابه ادبيه بدأت ٢٠٠٦

2. مَتى بدأت هِوآيَة التّصميم ، ، ؟ و شو كآن الدآفِع للبدْء في التّصميم . . ؟
بدأت هواية التصميم قبل ١٥ سنة لما كنت فالصف الخامس الابتدائي وبالتحديد سنة ٩٥م .. احدهم قال لي .. السنة اليايه نبغيك تسويلنا اعلانات .. بس قال هالكلمه وراح .. وانا ما اعرف غير اني كلمت اهلي أبي جهاز كمبيوتر وبديت اصمم اول مجله كانت على الورد واستمريت على الوورد لمدة ٥ سنوات سويت كل شي يخطر على بالكم كأنه فوتوشوب خخخخ بعدها كنت اشوف المجلات بس ما اعرف اسوي نفسهم فواحد قال لي سنة ٢٠٠٠ ان في برنامج اسمه فوتوشوب .. خذت البرنامج بس ما عرفت استخدمه .. بعدها دخلنا مسابقه تصميم مواقع والاستاذ المشرف سوا اختبار في الفوتوشوب وفزت فيه .. واشتركت مع الاستاذ في تصميم الموقع ومنها بدأت عالم تصميم المواقع واستمرت الممارسه وتحولت الى بزنس خاص في هذا المجال والحمدلله بفضل تشجيعكم وصلت إلى ما وصلت إليه ..

3. موقِف دمعت عينك منّه . .
أب كان مع ابنه في المكتبه .. الاب كبير في السن والابن صغير يبغي يشتري شي والاب ما يقدر يدفع احسست باني اختنقت طلعت من المحل ( بلا تعليق أكثر )

4. شو المنآبِر بـالنّسبَة لِك . . ؟
المنابر خلونا نتكلم عنها بتفصيل اكثر ..
المنابر قصتي بدأت مع بدايتها بفترة بسيطه تقريباً سنة ٢٠٠٢ .. اتصل فيني اخونا المتميز بعد ان انشأ الموقع .. كنت انا فالصف الثاني الثنوي .. قال يبغيني اصمم له صفحه الموقع الرئيسية ( الزعابي كان بعده صغير خخخخخخ ) المهم بديت اصمم الموقع وكان الاخ المتميز دايم يشجعني ويثني علي .. وهالشي خلاني احب هالموقع وبدأت اشارك فيه .. وطبعاً لي علاقات بالكثير من الاعضاء اللي كانوا في بدايته .. ولي الشرف والله اني انتمي لهذه الأسره الراقيه .. طبعاً الحين بالنسبه لي المنابر مثل الهوا اللي اتنفسه .. صار جزء من الحياة .. باختصار لو لقيت نفسي ما عندي احد اكلمه او اطلع وياه .. على طول فالمنابر اعيش احلى الأوقات .. تعلمت الكثير .. اكتسبت علاقات كثيره .. اتشرف بامى شروق الغاليه .. مكانتها في حياتي الشخصية لها دور كبير حتى خارج المنابر .. الكثير الكثير لا يسعني لذكرهم .. باختصار .. لي قصه مع كل عضو فالمنابر .. مع اغلبهم ان صح التعبير .. وبس هيكا

5. أسمآء 5 أعضآء مقربين لِك . .
هالسؤال .. فيه اشكاليات كثيره .. لذلك راح اذكر اسماء استثنائيه بس مب معناته ان البقية مب مقربين في مقربين وايد بس ما راح اقول لكم
ماماتي ، المتميز ، الزعابي والبقية ما راح اقولهم هع

6. أكثر موضوع حبّيته في المنآبِر . . ؟
امممممم ما اذكر الذاكره تخونني دوم .. بس قصتج يا المبدعة وايد اثرت فيني ولا زالت وهو الموضوع اللي عايش فيه هالايام ..

7. شآعر تتمنى توصل لِمستوآه في [ فن الشّعر ] . . أو بِمعنى شَآعرك المفضّل . .
بصراحه احب وايد شعراء وما عندي اي متابعة شخصية مستمرة لشاعر معين .. اممم في شاعر فبالي .. بس ناسي قصيدته وناسي اسمه هع

8. موقِف ضحكك بشدَّة . .
امممم وايد اشياء تضحكني بس والله ما يخطر على بالي الحين اي شي ..

9. اسم آخر كتآب قريته . . وخلاصتِه . .
الحماس المتدفق - عبدالله العثمان - باختصار اكتاب كل ما اقرا فقره احس اني اتحمس حتى اني ما اكمل قرايه اطلع من الشقه اروح اي مكان اخلص اشغالي وارجع آخر اليوم .. يعني باختصار يطرد الكسل

10. قدوتك في الحيآة بـشكل عآم . .
طبعاً قدوتنا الأولى هو الرسول صلى عليه وسلم وهالشي أساسي ..
بس بشكل عام فالحياة .. كل شخصية متميزه آخذ منها جانب معين .. يعني ما عندي قدوة شاملة ..
اساسياً هالفتره .. طارق سويدان .. صلاح الراشد .. عايش معاهم قصه حب من نوع آخر

11. نَصيحة لـي . .
اتمنى انج تقرين هالسنة أقل شي ١٠٠ كتاب وابي اشوفج بعد سنة كيف راح تكون كتاباتج !!
اعتبريه هدف أساسي وراح تتغير حياتج ١٨٠ درجه

12. حِكمتِك في الحَيآة . .
الحياة بلا تخطيط .. كالمسجل بلا شريط ..
عندي حكمة بس ما عندي لها صياغة معينة .. اذا كان في بالي شي .. وعندي الأدلة اللي تقنعني بأن هذا هو الصواب .. اسوي الشي ولو عاندني كل من في الأرض وجربتها واحسست بشعور عجيب ..

دَرزن ، وإن شآء الله تكون الأسئلة خفيفة وسلسَة . .

بالتّوفِيق سَعآدة اللّوآ

شكرا بقاييييييشن

شروق · 12-04-2010, 12:39 AM

عليكم السلام ورحمة الله وبركاته
سلمت وغنمت أخي بو سارة .. سلمت الأيادي على التنبيه

سعادة اللوا .. يسعد صباحاتك ومساءاتك بكل خير
استلم .. وسلّم :

1 - ما هي نظرتك للمنابر في 2002 .. ونظرتك لها اليوم 2010 ؟
2 - كيف ظهر لقب ( سعادة اللوا ) ؟
3 - كلمة أو موقف في أو مع الشخصيات التالية :
عاشق النوري
الطائر الحر
المتميز
البراء
الزعابي
وإماراتية
( طبعًا هالشخصيات على أساس أنك مخضرم في المنابر من 2002 إلى اليوم )

وسلامة راسك ولدنا

هذي الدفعة الأولى .. يمكن في دفعه ثانية في الطريج

كلباوي · 12-04-2010, 12:42 AM

المشاركة الأصلية أضيفت بواسطة : تاج نجــد

كلباااوي يا هلا والله

شلون الكرسي ان شاء الله مريح
بصراحه ما احب الكراسي .. دايم احب الوقوف حتى يحاولون معاي اقعد واقعد بس ما احب
ممم
مابثجل عليك

- شو احلا مكان بكلباء .. وكم تبعد عن الشارجه ؟
احلى مكان بالنسبه لي هو البحر بس بعد الفجر مباشرة .. تبعد تقريباً ١٢٠ كم
- تعرف تطبخ ؟ .. شو من الاكلات اللي تتقنها
طبخت مرة خبيصه وآكلها وزير التربية السعودي نسيت اسمه قبل سنتين .. وقال لي انها حلوه خخخ طبعاً الوالدة عطتني المقادير لما كنا بالمخيم الكشفي بالجبيل .. احب اسوي اشياء خفيفه لفات الدجاج يعني شغل الرحلات .. وهيك يعني
- اكيد تعرف فن اليوله .. هل تتقنه ؟ تعجبني اليوووله والفنون الاماراتيه وايييييد
بصراحة يولة هالأيام غير عن اليولة الأولية ،، ومع ذلك ما اعرف ايول ..
- رايك بتاج نجــد => قول الصج ماراح ازعل
اخت عزيزه وافتخر فيها .. والنعم فيج يا تاج وشهادتي فيج مجروحه
- نصيحتك لتاج نجــد ..
ما شا الله عليج اختي .. انتي الخير والبركه وانا ابي نصيحتج والله
وششكرن

شكراً لج ...........

شروق · 12-04-2010, 12:51 AM

المشاركة الأصلية أضيفت بواسطة : كلباوي

اتشرف بامى شروق الغاليه .. مكانتها في حياتي الشخصية لها دور كبير حتى خارج المنابر ..

5. أسمآء 5 أعضآء مقربين لِك . .

ماماتي ، المتميز ، الزعابي والبقية ما راح اقولهم هع

الله يرضى عنك ويرضيك ولدنا
لو كان حد يحق له يقول أنه تشرف بحد ؟
فأنا من تشرفت بثقتك قبل كل شي .. وسعة صدرك ومرونتك في التعامل وقبول الرأي الآخر
تشرفت منك بلقب ( أمي .. ماماتي ) .. عسى الله يحفظ لك وللجميع أمهاتكم
تسلم سعادة اللوا .. والله لا يخلينا منك .. ومن سعة صدرك وطيبك

! .. أحـرجـتنا .. !