خفايف + صيادية سمك + حلويات

تاج نجــد · #1 (**permalink**) 31-08-2009, 05:40 PM

] .. بــسم الله الرحمن الرحيم .. [

كيفكم والصيام ان شاء الله بخير ^^

حبيت انزل اول موضوع بالقسم
طبعا الطبخات هذي مو من تأليفي اكيد
بعضها من كتب الطبخ > مانستغني

وبعضها من الحريم

المينيو راح يكووون كالآتي :
المافين المالح
كرات التوست والدجاج
شرائح التوست بالنقانق
كبة التوست

توست توست توست >> اسرع شي بالعالم

----------
صيادية السمك
----------
حلى الرخام
تارت بسكوت الشاي

انتظروني

تاج نجــد · 31-08-2009, 05:42 PM

] .. المافين المالح ..[

من كتاب افكاري في اطباقي

2 ونص كوب طحين
ملعقه متوسطه بيكنج بودر
ملعقة صغيره بيكربونات الصوديوم
2حبة بيض
1 بياض بيض
ربع كوب سكر
كوب زيت
كوب لبن

:: الحشوه ::
2 كوب وردات زهره مقليه
2 كوب اوراق جرجير
2ملاعق كبيره مايونيز

:: الطريقه ::
-يخلط الطحين مع البيكنج باودر والبيكربونات
- يخفق البيض مع السكر بالخلاص الكهربائي حتى يصبح لونه ابيض ثم يضاف الزيت ومن ثم الطحيم واللبن
- يسكب الخليط في قوالب المافينز الصغيره المدهونه مسبقا
- تخبز حتى يصبح ذهبي اللون
- بعد اخراجه من الفرن يقطع المافين من الاعلى ويدهن يقليل من المايونيز ويوضع بداخله الزهره والجرجير ..

تاج نجــد · 31-08-2009, 05:46 PM

].. كرات التوست ..[

سهله جداااااااا من ابداع اختي

:: المقادير ::
صدور دجاج
جزر مبشور
بهارات
كيس خبز توست
لبن

بيض + بقسماط للقلي

:: الطريقه ::
- يسلق الدجاج ثم يقطع قطع صغيييره
- يحمس مع الجزر والبهارات
- تزال اطراف التوست ثم توضع مع الدجاج
- تعجن المقادير باللبن >> يفضل لبس القفازات

- تكور العجينه كور صغييره ويفضل تبليل اليد لانها راح تلصق

- توضع على البيض ثم على البقسماط وتغلى في زيت غزير

يقدم مع الصلصه الفرنسيه او الكاتشب او اي سوس

تاج نجــد · 31-08-2009, 05:50 PM

].. شرائح التوست بالنقانق ..[

:: المقادير ::
خبز توست
نقانق
بصل
فلفل بارد او حار

صلصة الرانش او مايونيز او كاتشب >> اللي تبون بس عشان ماتكون ناشفه

جبن موزريلا او جبن شرائح

:: الطريقه ::
- يسلق النقانق ثم يبشر
- نحمس البصل حمس خفيييييف الى ان يذبل .. نضيف له الفلفل والنقانق والصلصه او المايونيزثم يرررفع من النار بسرعه
- نضع على اطراف التوست مسحة مايونيز ثم حشوة النقانق
- تغطى بالجبن
- ندخلها الفرن من اعلى الين يذوب الجبن

وبالعافيه

||وردة بستان|| · 31-08-2009, 05:52 PM

واااااو على الإبداااع ,, يا عيني والله,,

نااايس ,, وين بالباقي؟,,

يالله بسرعة ,,,

تاج نجــد · 31-08-2009, 05:56 PM

].. كبة التوست ..[

بصراحه ماصارت كبه صارت سندويشات

امي قالت حرام كل هالخبز ماتستخدمينه

قلت ابشششري استخدم لك الخبز كله وماراح ارمي شي

المهم شوفو المقادير والطريقه

:: المقادير ::
صدور دجاج
بصل
جزر
بهارات
جبن سائل
توست
بيض + بقسماط للقلي

:: الطريقة ::
نسلق الدجاج ثم نفرمه بالخلاط
نحمس البصل + الجزر + البهارات ثم نضيف له الدجاج ونحمس نحمس

ناخذ حبة التوست ونقطعها بهالطريقه

ندهن الخبزه بالجبن ثم نضع حشوة الدجاج ونسكرها بحبة توست ثانيه يهالشكل

نغمسها بالبيض ثم بالبقسماط ونقليها بالزيت

وبالعافيه على قلوبكم

تاج نجــد · 31-08-2009, 06:03 PM

].. صيادية السمك ..[

:: المقادير ::
زر تقريبا كأسين او حسب اللي تحطونه
سمك مقلي
كمية لابأس بها من البصل المقلي

بهارات
ملح

:: الطريقه ::
ناخذ كمية من البصل المقلي ونصيف عليه زيت ( زيت السمك المقلي عشان الطعم

) + البهارات والملح + شوي مويه ونطحنهم بالخلاط
نرجعهم للقدر ونخليها تتسبك
بعدين نزيد الكميه بالماء الحار ونضيف عليه الرز

نتركه الين يستوي الرز .. يقدم مع السمك المقلي

>> هذي طريقتي
يمكن فيه طرق ثانيه مااعرفها بصراحه لاني مو من اهل البحر

تاج نجــد · 31-08-2009, 06:09 PM

].. حلا الرخام ..[
من كتاب النخبه اكيد عرفتوه يابنات السعوديه

:: المقادير ::

كأسين حليب محموس

.. أ ..
في الخلاط :
5 بيضات
كاس سكر
نص كاس زيت
علبة قسطه
ملعقة صغيره بكينج بودر
ذرة فانيليا

..ب..
في الخلاط :
علبة قشطة
6 حبات جبن كيري
نص كاس حليب بودره
نص كاس سكر

:: الطريقة ::
نخلط مقادير ..أ.. مع الحليب المحموس
ندخله الفرن لحد ماتستوي الكيكه ..

نخلط مقادير ..ب.. ونضعها فوق الكيكه ..
نرجعها للفرن ( بدون مانشغل الفرن ) بس لحد ماتتماسك الخلطه
نزينها بالهيرشي او ( ملعقة شوكولاته بودره + فنجال حليب سائل + نص فناجل سكر على النار لحد مايذوب )

وبالعافيه

__________________________

].. تارت بسكوت الشاي ..[
.. أ ..
1 باكيت بسكوت شاهي مطحون
1 ملعقة صغيره باكينج بودر

.. ب ..
3 بيضات
رشة فانيليا
نص كاس زيت
نص كاس سكر
نص كاس حليب سائل

:: للوجه ::
بيالة سكر
بيالة حليب بودره
نص علبة قشطه
3 حبات جبن كيري

:: الطريقة ::
-نخلط مقادير .. ب .. بالخلاط ثم توضع على .. أ .. وتعجن جيدا وتخبز في صينية التارت الخاصه..
-اذا برد نقلب الصينيه في طبق مستدير ..
- نخلط مقادير الوجه بالخلاط ثم تصب على وجه الكيكه >> ناخذ بعض الخليط ونصع معه شوكولاته بودره للتزيين
- يزين بالشوكولاته

بالعافيه

طبعا كتبت اسماء احفادنا لاني وعدتهم

تاج نجــد · 31-08-2009, 06:17 PM

هذا حلى مسويته من زماااااااان

حيبت يكون في هالموضوع والسموحه ماحطيته مع المينيو

وش رايكم بالصوره > رايقه لاه

:: المقادير ::

كيكة شوكولاته > تسوينها او بيتي كروكر مثل ماتحبين – 2 قشطه ( وحده للكيكه ووحده للخلطه) –بسكوت دايجستف او أي بسكوت شكله دائري – نوتيلا او أي تشوكلت سائل – زبده(بصراحه مااحب الدهن ومااستخدمت الزبده في هالحلو) – ستراوبري معلب ( فراولة مال التشيز كيك) – حبات فراوله طازجه للتزيين >> لازم طازج

نسوي الكيكه .. بعدين لما تستوي نطحنها بالخلاط ..
لما نطحنها نضيف علبة قشطه ونعجنها سوا >> اهم شي تكون عندي عجينه يعني يمكن تزيدي القشطه

نجيب قوالب الكب كيك الصغار او اللي اكبر منها ونغلفها بتغليفة النايلون (قلاد)ونسوي شكل القالب من الكيكه بنفس الصوره ادناه

نحط على كل قالب تقريبا ملعقة كبيره من الستراوبري ونسكرها بالبسكوتات

ندخلها للثلاجه يوم كامل او كم ساعه عادي

لما تبرد نقلبها بشوووي شوي على مهلنا يعني

ونحظر التشوكلت
نذوب في حمام مائي نص علبة الشوكولاته + علبة قشطه

نصب فوق حبات الكيك ملعقة شوكولاته ونزينها بالفراااااااوله

>> وترى الحلا للحلا تفضلو كل واحد ياخذ قطعه

اووووووو صح صايمين

تعبت >_<
بس تستاهلون التعب

اتمنى لكم صيام مقبول وافطار شهي
تقبلو تحياتي