// تقرير عن ~ سيارتي تويوتا لاند كروزر " الاستيشن " !!

tbtesm_ro7i_ma3k · #1 (**permalink**) 20-08-2009, 03:42 AM

« السـَلام عليـِكم ورحمة الله وبركُاته . . ‘
يسعـدلي صباحكم /‘ مسـاكم بكل خيـر وبركُـه . . !

.
.

[تويوتا لاندكروزر - استيشن ]

اليوم بحط لكم تقرير عن تويوتا لاندكروزر – الاستيشن .. سيارتي اللي ما افكر اغيرها و لا اشتري غيرها ..

[مدخل ]

طبعا الاستشن معروفة و موجودة عند معظم اهل الامارات و سكان الخليج بشكل عام .. بما انها سيارة عائلية و قوية في نفس الوقت .. و انا الصراحة اشوفها فخمة و لو ان كل ربيعاتي يخالفوني الراي ..

اترككم مع المواصفات ..

[نوع بدن المركبة]

ستيشن واجن بـ 5أبواب

[ المحرك ]

4.5 لتر، ديزل، 4461 سي سي، 8 سيليندر، 32 صمام، 1VD-FTV ،DOHC
القوة: 217 حصاناً/ 3600 دورة في الدقيقة (ناقل حركة يدوي )

القوة: 232 حصاناً/ 3200 دورة في الدقيقة (ناقل حركة أوتوماتيكي)
العزم: 43.8 كلغ – متر/ 1200 - 3600 دورة في الدقيقة (ناقل حركة يدوي )

العزم: 62.7 كلغ – متر/ 1800 - 2200 دورة في الدقيقة (ناقل حركة أوتوماتيكي )

[اختيارات ناقل الحركة ]

ناقل حركة يدوي بـ 5 سرعات
ناقل حركة أوتوماتيكي بـ 6 سرعات

[ درجة الموديل ]

GXR

[ المواصفات الداخلية]

مكيف هواء أوتوماتيكي بتحكم منفصل للتكيف على جهة اليمين عن اليسار ومبرد خلفي يدوي
مشغل راديو AM/FM، مبدل 6 اقراص مدمجة مع نظام بلوتوث ومشغل MP3، مع 6 سماعات
وسائد هوائية للسائق والراكب الأمامي والجوانب وستائر هوائية
مقاعد من القماش
المقود من أربع أعمدة مطعمة بالخشب
صندوق مبرد
نوافذ كهربائية
أفال أبواب كهربائية
ABS مع نظام مساعد للمكابح
مثبت سرعة
دخول ذكي وزر تشغيل السيارة
نظام إضاءة عند الدخول مع عتبات معدنية
تشطيبات داخلية من الخشب
غطاء للأمتعة

[ المواصفات الخارجية ]

إطارات من الألمنيوم 17 إنش
دعاميات ملونة
مصابيح أمامية هالوجينية مع تغيير مستوى الإضاءة
إطار إحتياطي على الباب الخلفي للسيارة
عتبة جانبية مع غطاء
مصابيح أمامية للضباب ووضوح الرؤية
جناح خلفي للزينة
سلة أمتعة
مرايا أبواب كهربائية من الكروم
عتبة ملونة على الدعامية خلفية
جناح أمامي للزينة
زينة للمصابيح الخلفية
حساسات أمامية وخلفية للمساعدة على ركن المركبة

و الحين اخليكم مع الصور

[مخرج ]

ان شاء الله يعيبكم التقرير .. و بانتظار آرائكم و ردودكم الحلوة ..

المصدر .. http://www.toyota.ae/

هذا الموضوع من جهدي الخاص لذا ,,
للناطقين بالعربية جميع الحقوق محفوظة لمنتدى منابر المتميز
all rights reserved to almotmaiz.net

كانت هنا

tbtesm_ro7i_ma3k

{ }

Sΰрєя βḋωєєY · 20-08-2009, 01:58 PM

,عليكم السلام ورحمه الله وبركاته

انا اخالفج الراي .. ماحسها او ما اعتبرها من السيارات الفخمه
لكنها سياااره عمليه جدا وانا اشوفها ضروريه للعائلات

تقريرج عجبني واااااايد وامبين انه متعوب عليه
بارك الله فيج اختي
ولاتحرمينا من مواضيعج الجميله

tbtesm_ro7i_ma3k · 20-08-2009, 04:26 PM

المشاركة الأصلية أضيفت بواسطة : Sΰрєя βḋωєєY

,عليكم السلام ورحمه الله وبركاته

انا اخالفج الراي .. ماحسها او ما اعتبرها من السيارات الفخمه
لكنها سياااره عمليه جدا وانا اشوفها ضروريه للعائلات

تقريرج عجبني واااااايد وامبين انه متعوب عليه
بارك الله فيج اختي
ولاتحرمينا من مواضيعج الجميله

مرحبا سوبر بدوي ..

يمكن ما تكون بفخامة المرسيدس و الBMW و شرات هالسيايير .. بس انا اشوفها فخمة ..
و الحين ما تعتبر بس سيارة عائلية .. حتى الدليل في وكالة السيارات ان الطلب عليها كبير ..

الحمد لله ان تقريري نال اعجابك .. و شكرا ع المرور

..

أمل الوجود · 20-08-2009, 09:05 PM

حلووو
شغل مرتب

بس ماحب السيايير الكبيرة
احس البنوتات سياييرهن لازم تكون صغيره على قدهن لووول

تسلمين على هالتقرير

tbtesm_ro7i_ma3k · 20-08-2009, 09:14 PM

المشاركة الأصلية أضيفت بواسطة : أمل الوجود

حلووو

شغل مرتب

بس ماحب السيايير الكبيرة
احس البنوتات سياييرهن لازم تكون صغيره على قدهن لووول

تسلمين على هالتقرير

لوووووووووول .. بهذي صدقتي .. ابين قزمة جدام الاستيشن ..
بس شسوي .. عشقي هالسيارة

.. لو انها كبيرة في عيني احلى من كل السياير الثانية

..

تسلمين ع المرور

بقايا شتات · 20-08-2009, 11:25 PM

وعلــيكم السَّلآم ورَحمة الله وبركآته ..]*

مآ شاء الله .. تَقْـــرير مَتْعوب عَليه بقو ..!
ومرتبـ .. وعرض رآقِي ..

امممْ .. أنا أستآنس على هالنوع من السيَّآرات ..
أحس شكلها عَجيب .. غير عن اللكزس .. والسيآيير الثآنية .. أحس أشكآلهن غلط ..

لووول =)

بَس يبقى الرنج .. والهمَر أحلى ..

يــالله إن شاء الله تآخذينهآ .. وأول طَلعة فيهآ .. أنآ بيي معآج ..
بَس بيلس يدآم .. =)

قطرة ندى · 20-08-2009, 11:37 PM

و عليكم السلام و رحمه الله و بركاته ..

حلوة السيارة بس احس انها تشابه اللكزس اليديد ..

و التقرير مبين انه متعوب عليه و ما شاء الله مرتب و حلوو ..

كل الشكر لج خيتوو عالموضوع الروعه ..

يعطيج العافيه ..

شروق · 20-08-2009, 11:47 PM

عليكم السلام ورحمة الله وبركاته

كم رقم الشاصي ؟

احيدهم جيه يسألون !!

ما أعرف في السيارات إلا أنها وسيلة نقل مريحة
ما أهتم بأنواعها وأشكالها .. يهمني فقط تكون عائلية في المشوار
وهالسيارة شكلها مريحة للعايلات فعلا

التقرير مرتب صدق .. بس الخط صغنونو !

الله يعطيج خيرها ويكفيج شرها بنتي .. تحملي على عمرك وعلى اللي وياج

وشكرا على الدعوة للإطلاع على التقرير .. تسلم الأيادي وتسلم لنا بنتي

tbtesm_ro7i_ma3k · 20-08-2009, 11:48 PM

المشاركة الأصلية أضيفت بواسطة : بقايا شتات

وعلــيكم السَّلآم ورَحمة الله وبركآته ..]*

مآ شاء الله .. تَقْـــرير مَتْعوب عَليه بقو ..!
ومرتبـ .. وعرض رآقِي ..

امممْ .. أنا أستآنس على هالنوع من السيَّآرات ..
أحس شكلها عَجيب .. غير عن اللكزس .. والسيآيير الثآنية .. أحس أشكآلهن غلط ..

لووول =)

بَس يبقى الرنج .. والهمَر أحلى ..

يــالله إن شاء الله تآخذينهآ .. وأول طَلعة فيهآ .. أنآ بيي معآج ..
بَس بيلس يدآم .. =)

اول وحدة توافقني الرااي .. احب الفورويل اكثر عن السياير الصغار

..

اممممممم حلوة الرنج .. بس المثل يقول خذلك استيشن و خل المصخرة <<

اوكي انا مواقفة قولي لي انتي وين وبييج بس المهم اتكونين في بوظبي

<< تخاف تسوق في دبي و الشارجة

..

شكرا ع المرور و المشاركة الحلووة

tbtesm_ro7i_ma3k · 20-08-2009, 11:51 PM

المشاركة الأصلية أضيفت بواسطة : قطرة ندى

و عليكم السلام و رحمه الله و بركاته ..

حلوة السيارة بس احس انها تشابه اللكزس اليديد ..

و التقرير مبين انه متعوب عليه و ما شاء الله مرتب و حلوو ..

كل الشكر لج خيتوو عالموضوع الروعه ..

يعطيج العافيه ..

اهلين اختي ..

يتشابهون لان التويوتا و اللكزس نفس الشركة او الوكالة بس الاسم يختلف ..
نفس النيسان و الانفينيتي ..

و اذا المعلومة خطا حد يصلحها لنا

..

شكرا على مرورج و مشاركتج اختي .. الله يعافيج