اليوم وبلا مقدمات ..
كان الجو فضيع ..
الحراره جداً مرتفعه ..
بمجرد ما طلعت من البيت ..
حسيت بجفاف مب طبيعي ..
رحت شريت ماي بارد ..
وبردت على فوادي .. وما زالت الحراره مرتفعه ..

كنت اطالع العالم ..
العمال الآسيويين شغالين هنا وهناك ..
وانا فسيارتي ومشغل المكيف وحاس بالحر !!

فخاطري أقول الله يعينهم

المهم .. رحت بيت خالتي .. اسلم على الأهل >> قايم بالواجب

اول ما دخلت .. شفت منظر ..

عصفور على الدرج عند البوابه ..
عصفور صغير ... ريشه خفيف ..
شكله دوخ من الشمس اللي نحن دوخنا منها ..
شلته بيدي .. ودخلت البيت ..
حاولت اشربه ماي ما رضا يشرب ..
او كأنه بالأحرى ما يعرف يشرب ..
او خايف ..
ما ادري

المهم بديت اطبطب عليه ..
شوي الأهل دخلوا شافوني .. >>>> يالحنووون

المهم .. قالوا لي لازم ما يطول عندك ..
اكيد امه تدور عنه ..

انا قلت صح معاكم .. يالله نوديه عند امه ..
حاولت انزله عند الباب .. في مكان فيه ظل ..

العصفور ما رضى ينزل !!!

كل ما انزله يرجع يركب .. >>> يحسبني امه خخخخ

المهم ..

خذت معاي كوب فيه ماي ..
ورحت لحديقه البيت ..
وعند شجره التين ..

حاولت اوقفه على الغصن ..
بس الظاهر امه ما لحقت تعلمه ..
شوي وتآقلم مع الوضع ..

المهم رحت عنه شوي .. ورجعت شفته ما يتحرك ابد ..

استغربت ..
فبدت محاولاتي اني انعنشه ...
الجو محتاج نعنشه الصراحه ..

وقلت له يالله نعنش مع كلباوي ..

طبعاً ما فهم قصدي خخخخخخخخ

مسكت الكوب .. وبديت ارش عليه الماي .. وهو ينتعش
وانا ارش وهو ينتعش
وانا ارش وهو ينتعش

الحين بديت اسوي الخطه النعنوشيه الثانيه ..
قمت احط الكوب ،، واحاول اعلمه كيف يشرب ،،
شوي شوي شوي .. وبدا يشرب عصفوري ..

قعدت اطالعه وكأنه الروح دبت فيه من يديد ..
بدا ينط ويتحرك .. وانا استاااااانست وايد ...

وحان وقت الوداع يا عصفوري ..

وقلت له جيييييييييييييز وصورته ..

اشرايكم بعصفوري ؟؟