هذا الموضوع هو عبارة عن تعريف لاحدى جامعات الدولة واللي هي جامعة زايد ( فرع ابوظبي ) واخترت هالمكان لانه مكان دراستي ويت فكرة هالجولة عشان اراوي احد الاعضاء من دولة مصر اللي قال كان يبغي يشوف جامعاتنا من الداخل ^_^ طبعا هو اغتر بجمال جامعتنا

مابطول عليكم اخلكم مع الصور طبعا كل صورة شرحها فوقها

اول شي هذي النافورة اللي تشوفونها اول ماتظهرون من Students Services



عقب ما تاخذون يسار بتشوفون هالخيمه الغاويه ^_^ وطبعا شي منها اشكال والوان في اماكن متفرقة



اذا خليتوا هالخيمة ع يمينكم ومشيتوا سيده بتحصلون اللعبة اللي اموت واتعلمها بس للاسف محد راضي يعلمني >>> مصرين يخلوني غبية



خمست شوي في الجامعه عشان اسير صوب النافورة الثانيه جان اشوف عصفوره وحلفت اني اصورها ( صح طلعت عيني لين ماصورتها بس سيطرت ع الوضع خخخ)



وعشان اقهرها صورتها مره ثانيه >> دبه كل ماثبت الكاميرا اطير



عاد وصلنا لاحلى مكان في الجامعه .. هاي النافورة احبها وايد



خلوا هالنافوره ع يساركم وامشوا سيده شوي وعقب انعطفوا يمينا (وخذ يمين تالي يمين خخخ)
المهم هذا التليفون حق الازمات والمقالب ولو كملتوا سيده وخذتوا يسار بييكم ال Z building



عقب لفوا يمين بعد ^_^ بتشوفون هالدرج الغاوي



ونرد مره ثانيه وناخذ يمين هذا ممر كلاساتنا في مبنى Z



يتبع --->

^_^ نكمل

بعد ما ناخذون يمييين بتوصلون حق ممر اللوكرات شوفوه

عقب خذوا يسار وامشوا سيده شوي بتشوفون المكتبه.. يمكن ماتكون الصوره وايد واضحه لان القبه اللي فوق زجاج والشمس عاكسه نورها وانا اصور من مكان مظلم >> عشان محد يزخني

وانا امشي مع ربيعتي شفنا نور غير طبيعي بين اللوكرات وعقب ماتتبعنا مصدر النور حصلنا لوكرنا الجميل

بعدين كملوا سيده بس هالمره خذوا يسار لا تدخلون بس براويكم ال -X- Building هذا مبنى بنات الارت وهالسوالف

عاد كملوا احين سييييييييييييييييييييييييييييييييييييييييده بييكم نفس الممر اللي حطيته قبل شوي بس من الصوب الثاني كملوا سيده افتحوا الباب وخذوا يمين بتحصلون الممر اللي يوصلكم لل Z- Uditerum

خذوا يمين عشان تشوفونه ( زين ماطردوني عشان هالتصوير كان في محاضرة ماقدرت اصور كل شي وقفت عند الباب وصورت )

اما لو مشيتوا سيده وصديتوا يسار بتشوفون ميلس الجامعه ( صورته من برع لان البنات رقود داخل )

كملوا سيده وادخلوا الممر واول لفة ع اليسار ادخلوها واظهروا من الباب وبتشوفون ع يساركم الفرق بين المبنى Z ومبنى Y ( الحاضر والماضي )

عقب خذوا يسار وامشوا سيده شوي بتشوفون المكتبه.. يمكن ماتكون الصوره وايد واضحه لان القبه اللي فوق زجاج والشمس عاكسه نورها وانا اصور من مكان مظلم >> عشان محد يزخني

وصلنا لاخر صورة واللي هي صورة بعض الكتب في الجامعه

المشاركة الأصلية أضيفت بواسطة : ابن الأجاويد أختي واحة الغموض حياكِ الله في منبر التصوير الفوتوغرافي ما شاء الله الصور واضحة وجميلة وتغطية أكثر من متميزة ما قصرتي وربي يحفظج وأشكر أختي عهود اللي كانت سبب في وصولج الى هذا المنبر لكِ مني التقييييم

المشاركة الأصلية أضيفت بواسطة : YeLlOw هلا غموض ... .هع ترى محد يحب جامعته كثري بس برافووووو عليك الجولة حلوه عجبتني يا خيتوا وعقبال ما تنقلين لنا حفل التخرج.يالله ننتظر جديدك