~ .. موقـف منـي .. و .. موقـف مـنك .. ~

فطـ ^^ ـامي · #1 (**permalink**) 07-08-2008, 05:54 PM

مـسـآء / صـبـآآح { .. الورد .. }

اشحـآآلكم ؟؟

حيـآكم أعضـآء منابر المتميزين ..

فـ ك ـرة يديدة خطرة ع بـآلي ..

مضمون الفكرة ..

1 - موقف مني وموقف منك
^
^
كييف .. !!
كل واحد منا يطرح لنا موقف صـآره
أيـآم المدرسة ..
أو
أيـآم الجامعة ..
أو
فـ الشغل ..
أو
فـ البيت ..
::
2 - يقول شو استفاد من الموقف .. << غير الزاامي ..
3 - شو كانت ردة فعلك من الموقف .. << غير الزاامي ..
4 - هل عييبك الموقف ولا ما عييبك .. << غير الزاامي ..
5 - كل شي تبا اتقووله عن المووقف .. << غير الزامي ..
6 - مع منو استوى الموقف << الزاامي

::

يعني موقف مضحك ..
موقف محزن ..
موقف غريب ..
موقف ما كنت تتوقعه يستوي ..
موقف حلووو واايد وتتمنى يستوي مرة ثـآنية ..
موقف اتمنيت لو الارض تنشق وتبلعك ولا يستوي هالموقف ..

موقف ....

::

يلا نتريـآآ موااقفكم

دمتم بود

::

جزء من حلم · 07-08-2008, 06:30 PM

فطـ ^^ ـامي

/

::..::

/

موضوع حلو . . خفيف . . وأكيد رايح يكون مفيد

.

.

.

لي عودة إن شاء الله تعالى

:

:

:

فطـ ^^ ـامي

شكراً لــكِ

شدو البلابل · 07-08-2008, 07:54 PM

فكره حلوه فطامي ....

يعني دايم تصير لي مواقف وراح ابدا بذكر موقف ...

افتتحت الجلسه ...

كان يا مكان في قديم الزمان ولا يحلى الكلام الا بذكر النبي عليه الصلاة والسلام ...
عاد اصبروا لاتنامون

انا المعروف عني اني ما احب القطوه لانها قبله تروعني واعتـــــاد اهلي على سماع صراخي عفواً صوتي يمــــــــــــه (ماادري ليش الواحد اذ خاف يقول يمه )

وكل شي تخيلته اني اشوفها فيه الا ماكنت اتوقع اني اشوفها في الحرم في مكه كان وقت صلاة الفجر خرجت انا واختي للحرم وبعد مشاورات قلنا نبي نصلي تحت لاننا عادة نصلي فوق وكان زحمه راحنا للمكان المخصص للنساء واخيرا لقينا مكان يكفيني انا واختي وجلسنا نتظر والناس بين ساجد ومسبح المهم واحنا قاعدين ياغافلين لكم الله طلعت لنا قطوه

مادري وشلون جت

انا عاد الكبيره ولازم اصير عاقله اختي مسكت يدي وتضغط عليها من الخوف وهي ماعنده الا كلمه وحده يمه وين طلعت منه طلعت من الارض وانا مسويها ثقيله قلت الحين بتروح الا والله تجلس امامي وتنظرفيني وعيونها تولع

وياليته صغيره الاكبيره ومتغذيه صح دبه والله احس وجهه وجه نمر الاخت مستانسه من كثره المطاعم وبين صوت اختي وانا ميته خوف وقلبي تزادد نبضاته بس كان في بالي شي واحد وشلون ابصلي وشلون ابسجد ولا اقدر استعين باامي ولا ابوي ولا احد من افراد العائله و لااقدر اصرخ ولا اركض اتخيل شكلي في العبايه واركض في الحرم

العدو امامي ومسترخيه ومبسوطه يعني تقربيا اللي حولنا من النساء عرفوا انا خايفين وفيه نساء ايرانيات ماتوا علينا ضحك بس قهرمدري وش كانوا يقولون عنا

حتى كان بجنبي امراءه عجوز كويتيه تقول هذا الاذان الاول وانا مصدومه واناظرها وفي خاطري ما تشوف القطوه بعدين قلت لااختي قومي نغير مكانا واحنا نمشي بخطوات سريعه اختي يمه اكيد انها ورانا خوافه

ورجعنا نصلي فوق ويافرحه ماتمت ...
بس خلصت ...
واستفدت من الموقف ما اصلي تحت هههههه

انتظراللي بعدي

جزء من حلم · 07-08-2008, 10:30 PM

ههههههههههههههه

قطوة ياشدو ؟!! قطوه ؟!!!!!!!!!!

افا عليك والله

.

.

.
فطـ ^^ ـامي

أول الغيث قطرة .. وهذي شدو طلعت الفضايح

يااااااااارب استر

مشكوره فطامي

.

.

.

.

.

يالله من اللي بعده ؟؟؟

فطـ ^^ ـامي · 07-08-2008, 10:41 PM

ههههه ..
يحليلج يا شدوو ..
عيل طلعتي شرااتي
انا بعد اموووت من الخووف من القطااوة
وحتى لو كنت فـ اي مكاان وما ارووم اصارخ ع طووول أصيييح

هههه

::

اخويه عبدالله
نتريا مواقفك

::

انا بعد بكتبلكم موقف استوالي
اقصد موااااااااااااااقف استوتلي

دمتم بود

جزء من حلم · 07-08-2008, 10:47 PM

ههههههه في الإنتظار فطامي

وياليت الجميع يشارك
<<<الأخ يحب يقرأ الفضايح هههههه

.

.

.

لا تنسون مب كل المواقف لازم تكون مضحكة

.

.

عهـــود · 07-08-2008, 10:58 PM

آآآآآآآآآآآآآآهـ ضحكتنــي شــدوو وأنا ما فينــي حييييلــ ..

فطـ ^^ ـامي حياتـ ^^ ـــي ..

روووووعهـ الموضــوع .. حبيتــهـ واايــد

وعنــدي سوالفــ خاطريــهـ أخبرج عنهــا .. بس مشكلتيــهـ انــي تعبانــهـ الحيــن ومدووخــهـ ..

ومقهوورهـ لانــي البارحــهـ كنتــ ف بيتــ قومـ عميــهـ وبناتــ عميــهـ ..

ولدهــم الصغيــر يخبلــ ما شاء الله عليــهـ قصييييير وعنــدهـ خدوود حلوييييييييين

عذاااااااااااااااااااااااااااااااب

وانا يووم وصلتــ بيتهــم .. مرضتــ ،،، مادري ليــش

وطبعــا مارمتــ حتــى أقربــ منــهـ لانــي كنتــ مزجمــهـ واايــد

واليومـ رحتــ المستشفــى .. وحاســهـ عمريــهـ أحســن لكــن بعدهـ الصدااع ما خاز عنيــهـ

<< واتعلمتــ انــي ماا أباتــ ف بيتــ عميــهـ وأنا تعباانــهـ خخخخ

فطامــي ،،،

راجعــهـ لموضوعــج انـ شاء الله

عبير الازهار · 07-08-2008, 10:58 PM

فطامي دائما مواضيعكــــــــــ

.......

الله يعطـــــــــــــــيك العافيه.......

اما القطوة ياشدو ...عدوة النساء .......قصدي ياحليلها اخاف اقابلها قريب.....

اخوي عبد الله ((((قطوة ياشدو ؟!! قطوه ؟!!!!!!!!!!

افا عليك والله ))).... احمممم هذا ابلغ جواب ((و لااقدر اصرخ ولا اركض اتخيل شكلي في العبايه واركض في الحرم

لي عوده ........

فطـ ^^ ـامي · 07-08-2008, 10:59 PM

اممم
موقف من المواقف ..
فكر .. فكر .. فكر ..

::

ههه
اتذكر موقف استواالي يوم كنت سايرة مكة عسب العمرة ..
وطبعا اتعوفوون البنات احلى شي عندهم السووق ..
المهم بالتحديد بعد صلاة العصر فـ الحرم
قررنا انا وبنت عمي انسير " أبراج مكة "" نتسووق ..
المهم الشيخة فطامي طبعا من النووع الي ما يحب يااكل ..
فـ هاليووم انا ما اترييقت ولا اتغدييت ..
وبعدها ظهرنا وسرنا الابراج ..
المهم ونحن فـ الابراج ..
فطـآمي : (شيووم ) >> الي هي بنت عمي كنت اناديها اقوولها شيوم احس اني بدووخ ..
شيووم : فطامي عن الاستهبال ..
فطـآمي : شيوم والله ما استهبل ..
المهم شيوم بنت عمي سوت طـآف للسالفة

المهم بعد خمس دقـآيق بالضبط ..
فطـآمي اتطيح مغشي عليها

شيووم : فطـآمي حبيبتي << اللحين حبيبتج هـآآ

شيوم : فطامي حبيبتي بلاااج ..
المهم شيووم شلتني << عاادي تراا انا ضعيفة

ويلستني فـ اجرب مكان فيه كراسي ..
واتحااول اتصب علي ماي وتشربني ..
ولا فجـآة والكـآآرثة الي اكثر عن هاي المشكلة ..
كل شبااب الي فـ ابرااج مكة يتيمعوون

وبعد شي ثـآني يت وحدة سودانية واتحط بصـل فـ خشمي

هههه
ومن قوة الريحة فطـآمي تنقز من مكـآآنها

يحليلها من الريحة << ما تنلااام
::
طبعا ها كل الي استوى قـآلته حقـي بنت عمي عقب ما نشيت
المهم عقب ما نشيت
شيوم : فطـآمي يلا بنرد الفندق ..
فطـآمي : لا شيووم حبيبتي انا عـآدي اللحين وآآيد زينة عـآدي بنكمل تسووق

شيووم : فطـآمي أخـآف اتطيحين مرة ثـآنية ..
فطـآمي : لا عـآآدي
المهم ظهرنا طبعا يوم أذن المغرب
لان اصلا يصكرون وقت الصلاة ..
وبـصرآآحة كـآن يووم لا ينسى

::

الي اتعلمته : اني لازم قبل ما أظهر من البيت لاااازم آآكل بعدين أظهر ..

وحتى لو ما كنت ما كلة شي ما يخلووني اظهر من البيت فـ هاي الحـآلة اظطر اني آكل عسب اظهر

الموقف استوى فـ سنة 2006 << بعيد صح !! ..

ههه صح وشي لين اللحين بنات عمي يذكرووني فييه << سالفة الحرمة والبصل
وانا استهبل اقوولهم : اتعرفوون شو لين اللحين ريحة البصل فـ خشمي

::
المهم اني وآآيد طوولت ..
فـ انتظار مواقفكم ..
وانا بعد بردلكم بمووقف ظرييف بـس مب اللحين بعديين