المنتدى   المدونة   الكلمات الدلالية
                   

تراجع إلى الخلف   منابر المتميز نت > المنابر العامة > منبر عبق الماضي

منبر عبق الماضي منطلقين من مقولة صاحب السمو الشــيخ زايـــد - رحمه الله - : "من لا ماضي له فلا حاضر له "

اضافة رد
 
LinkBack أدوات الموضوع
  #1 (permalink)  
قديمة 17-03-2007, 12:55 AM
tab
صورة 'vip_girl' الرمزية
.+[ متميز فــذ ]+.

 
تاريخ الإنضمام: Feb 2007
الإقامة: kuwait
المشاركات: 335
معلومات إضافية
السمعة: 103
المستوى: vip_girl will become famous soon enoughvip_girl will become famous soon enough
الجنس: female
علم الدولة:
الحالة: vip_girl غير متصل
افتراضي تذكرون....؟ ياكوتين

تعالوا معاي نرجع الذاكره للوراء اشوي ونتذكر هل لحظات





ا- تذكرون نقازية الأرنب الجائع لما كان يلعبون فيها صبيان وماخذينها كلها وما يخلون نلعب.
2-تذكرون لما نشتري قواري بفلوس العيد ونفتر عند المحل مليون فره قبل لانركبهم السياره.
3-ذكرون الصبيان لما كنا انام مبجر حق العيد ونفرش الدشداشه على الارض ويمها المكسر والنعال ..يعني متزهبين.
4-تذكرون سالفه اللي يحارب يحارب الله واللي يصاحب يصاحب الشيطان..يعني بالحالتين مافي مجال تصاحب.
5-تذكرون لما كنا نسهر لي الساعه 1 بالليل يعني قمة السهر...وتقول حق ولد عمك لي الساعه جم تسهر.
6-تذكرون لما نرد من البر بعد عطله 15 وامهاتنا كانو يلطخنونا بالهرده والفازلين عشان يروح المشق.
7-ذكرين لما كنتي تمشطين شعر باربي 24 ساعه لين ينشلع راسها واخوج يلعب فيه كره.
8-تذكرون يا الصبيان لما كنا ننسف الغتره تطلع اي شي جنه من اللي يرقصون ورى خالد الشيخ في اغنيه كمنجه.
9-تذكرون ياصبيان لماتتشيطن واحنا ورى بالسياره والوالد يصفط يمين وينام فينا بالعقال والوالده تقولنا قلعتكم.
10-تذكرون لي تشيطنا في بيت الاوادم وامك تقرصك ذيج القرصه على فخذك وتتبوسم بويوه الناس جنه عادي وانت تفرك من العوار.
11-تذكرين لما تدشين غرفة امج وتلطخين ويهج بالحمره جنج ماكله ياهل وتطيح عليج امج وتكفخج.
12-تذكرين لما الوالده تحطلج حنه ليله العيد وتشق قطعه من دراعه ماتبيها وتلف ايدج وتنامين فيها تقولين ملاكم.
13-تذكرون كتكات مال اول اللي نيمع القصدير ماله نسوى كره والشفاف نرسم فيه خرايط الاجتماعيات.
14-تذكرون الاكاونت مال قبل اللي لي فصل بعد شهر يالله يشبك.
15-ذكرون اهالينا لما يرجعون من الحج وايبون لنا الكاميرا الحمره واحنا مستانسين اللي يقول ديجتال بس.
16-تذكرون يوم ما كان في موبايلات وتكلم الصاحبه من تلفون البيت ويشيله الوالد حزه الغدا ويقولك غدا وثول.
17-ذكرون لما نروح نسبح في بحر شويخ ولابسين الشورت الاديداس والفنيله الداخليه والفوطه بجيس جمعيه.
18-تذكرون صور الوالد قبل مع الزلف والشارلستون والوالده سفور ومني جوب والحين كل مانسوي شي ينقدون علينا.
19-ذكرين نهار العيد وانتي لابسه النفنوف الكشكش وحزام الذهب ومسويه شعرج بوي وحاطه كحل وحمره....اهم شي البوي.
20-ذكرون لما كان احد يروح لندن قبل كنا نوصيه على كاكاو بو لحم يعني كاكاو فليك حاليا.
21-ذكرون لما كنا نلعب أم و أبو (بروي) ونسوى من المساند بيت والمنسد الكبير نركب فوقه يعني سياره.
22-ذكرون حلقات فلونه لما كانوا ياكلون كنا نتشوق على اكلهم ولا الشوربه مالتهم حدها قويه ....يم يم حساء شهي.
23-ذكرون الحركه المليقه اللي يسوونها قبل اللي يحط ايده في اباطه ويحرك ايده عشان يطلع صوت..ماكو شغل.
24-تذكرون هم الحركه الثانيه اللي لي بغيت تخرع اختك فيها تقلب رموش عيونك وتقول لها وااااااااو واخر شي الوالد طايح عليك ودايس ابطنك.
25-تذكرين اول مره كلمتي صبي بحياتج كان كل ما احد يناديج سكرتي التلفون بويه الريال...خنت حيلي.
26-تذكرون لما كانوا البنات يلعبون حيله وكنا نمر عليهم ونشوت الصخره يعني ماندري...ملالالالالالالالاقه.
27-تذكرون لما الوالد يلتك كف جدام عيال عمك وانت العيون تغووورق وتقول ماتعور ....... يعني قوي.
28-تذكرون لما نسمع راعي البرد بالفريج يقول بررررد ونطل عليه ونقوله برد برد اوقف ونروح نركب على التواير ونقي البرد اللي نبيه.
29-تذكرون لما كنا نروح فيلجا بالعباره الكبيره ونلعب خشيشه وننخش بين السيارات والبنات كانوا يرجعون من البحر.
30-تذكرون الحوض اللي قبل نسبح فيه مرسوم عليه حيوانات وكل ماطبينا فيه نلاقي نحله تسبح فيه.
31-تذكرون ياصبيان لما كنتوا تلعبون كره بالفريج وحد الاثاره والحماس واخر شي الكره رايحه الشارع وماره عليها سياره وباطتها حد الاحباط.
32-تذكرون كنا نروح المدرسه ب 200 فلس ونشتري فطيرتين وسانكست وكاكاو بونجوم عشان نحلى فيه.
33-تذكرون فرحتنا لي دشت علينا ابله المقصف وتبي توزع علينا ارباح المقصف..واخر شي 3 دنانير يامال الفقر.
34-تذكرون قبل بالفرصه الثانيه ما كنا نقدر نشتري لان فلوسنا خلصت بالفرصه الاولى ولي شفنه واحد شاري نقوله عفيه نصك نصك.( هذي حركات صبيانp
35-تذكرون زحمة الكافتيريا ايام الثانويه ولي وصل دورك طق الجرس عاد نخش البطاط بالدرج وريحه الكتشب تفوح ويطيح علينا الاستاد.
36-تذكرون لي قالو لنا حصه احتياط الابله مو يايه قمة الوناسه واخر شي يايه ابله العربي المليقه تاخذ الحصه تبي تكمل المنهج......شدعوه شي مهم عاد.
37-تذكرون الوالد لما ياخذ منه عيادي العيد يقول بيمعهم لك واخر شي اكــــــــال من هالشق لي هالشق.
38-تذكرون برنامج سلامتك لما يقول عن الزقاير....قلبك...شرايينك...جهازك التنفسي....امتنع عن التدخين حالا شرايك تصكني طراق بعد.
39-تذكرون لما نسوى شربت بينتو مو فيمتو ونحطه بقوالب ثلج ونحط فيه عود ضروس عشان يصير برد...عباقرة ماشالله علينا.
40-تذكرون شهاده الروضه اللي بروازها في اغصان شجر وعصافير.......حسافه مادري وين شهادتي ضاعت.
41-تذكرين لما كانت الوالده تبي تسويلج عناقيص وانتي الا تبين عجفه فرنسيه يعني يكون كاشخه الحين.
42-تذكرون لما كنا نلعب كره بالقايله بالحوش وتشوت باب غرفة يدك واخر شي لاحقنا بقلم القدو....ياخي بابك يغري نسويه قول لوووووول.
43-ذكرون لما نلعب لعبه بيضه بالدوانيه واخر شي صايره صج طق مطاقق والحريم يفاككون.
44-تذكرون لما نيمع فلوس العيد عشان نشتري فيهم من نحن والاطفال والعاب وليد.....صج صج قمة الفرحه.
45-تذكرين لما كنتي تلعبين بروي وتخلين باربي يعني بنتج وتلبسين حجاب امج يعني عبايه وتقولين حق امج سلام عليكم حجيه شلونكم زيييييييييييينييين.


واتمنى انه تعجبكم هل ذكريات


الأعمى يتمنى أن يشاهد العالم والأصم يتمنىسماع الأصوات والمقعد
يتمنى المشي خطوات والأبكم يتمنى أن يقول كلمات
وأنت تشاهد وتسمع وتتكلم


:36_1_39:


اضافة رد مع اقتباس نص هذه المشاركة
قديمة 18-03-2007, 10:25 AM   #2 (permalink)
.+[ متميز فــذ ]+.

 
تاريخ الإنضمام: Aug 2006
المشاركات: 256
معلومات إضافية
السمعة: 3197
المستوى: مدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond reputeمدرب متميز has a reputation beyond repute
الجنس: male
علم الدولة:
الحالة: مدرب متميز غير متصل
افتراضي رد: تذكرون....؟ ياكوتين

روعة أختي

((((((((((((تذكرين لما كانت الوالده تبي تسويلج عناقيص وانتي الا تبين عجفه فرنسيه يعني يكون كاشخه الحين)))))))))))))))

معتمد في الـ Nlp الجمعية العالمية لمدربي ومستشاري علم البرمجة اللغوية العصبية G.t.c
ممارس معتمد في الـ Nlp من المجلس الأمريكي للبرمجة اللغوية العصبية Abnlp
ممارس معتمد في الـ Nlp من الاتحاد العالمي للبرمجة اللغوية العصبية Inlpta
ممارس معتمد في التنويم الإيحائي من المجلس الأمريكي للتنويم الإيحائي Abh
ممارس معتمد في العلاج بخط الزمن من الجمعية الأمريكية للعلاج بخط الزمن Tlta
بكلريوس شريعة
طالب ماجستير في علم النفس من الجامعة الأمريكية
  اضافة رد مع اقتباس نص هذه المشاركة
قديمة 03-04-2007, 03:16 PM   #3 (permalink)
.+[ متميز برونزي ]+.

 
tab
صورة 'منابر النور' الرمزية
 
تاريخ الإنضمام: Dec 2002
الإقامة: Q8
العمر: 35
المشاركات: 1,723
معلومات إضافية
السمعة: 3250
المستوى: منابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond reputeمنابر النور has a reputation beyond repute
الجنس: female
علم الدولة:
الحالة: منابر النور غير متصل
المزاج: ????
افتراضي رد: تذكرون....؟ ياكوتين

هههههههه

اشلون ما اذكر

كلش ولا 40

-تذكرون شهاده الروضه اللي بروازها في اغصان شجر وعصافير.......حسافه مادري وين شهادتي ضاعت.

تصدقين اختي لين الحين انا محتفظة فيها ومبروزتها !!

يعطيج العافية وناطرين يديدج

  اضافة رد مع اقتباس نص هذه المشاركة
قديمة 25-10-2007, 02:35 PM   #4 (permalink)
.+[ شخصيـة هامـة ]+.

 
tab
صورة 'جزء من حلم' الرمزية
 
تاريخ الإنضمام: Jan 2005
الإقامة: على الشباك
المشاركات: 12,330
معلومات إضافية
السمعة: 78923549
المستوى: جزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond reputeجزء من حلم has a reputation beyond repute
الجنس: male
علم الدولة:
الحالة: جزء من حلم غير متصل
الرسالة الشخصية
أوثق غضبك بسلسلة الحلم , فإنه كلب إن أفلت أتلف. _ابن القيم_
افتراضي رد: تذكرون....؟ ياكوتين


vip_girl

هههههههههه والله ( وزمان يافن ) هههه

هذا الماضي .. والحاضر الآن سيصبح ماضي .. و.......والخ

شكراً أختي على الموضوع الحلو

يعطيكِ العافية يارب
  اضافة رد مع اقتباس نص هذه المشاركة
قديمة 26-01-2008, 09:27 PM   #5 (permalink)
.+[ متميز فــذ ]+.

 
تاريخ الإنضمام: Dec 2007
الإقامة: الجزائر
المشاركات: 285
معلومات إضافية
السمعة: 409
المستوى: brahimahmed is just really nicebrahimahmed is just really nicebrahimahmed is just really nicebrahimahmed is just really nicebrahimahmed is just really nice
الجنس: male
علم الدولة:
الحالة: brahimahmed غير متصل
افتراضي رد: تذكرون....؟ ياكوتين

Merci beaucoup

مع تحياتي براهيم أحمد
  اضافة رد مع اقتباس نص هذه المشاركة
اضافة رد

العلامات المرجعية


الأعضاء النشطين حاليآ الذين يشاهدون هذا الموضوع : 1 (0 عضو و 1 ضيف)
 
أدوات الموضوع

ضوابط المشاركة
لا يمكنك اضافة مواضيع جديدة
لا يمكنك اضافة مشاركات
لا يمكنك اضافة مرفقات
لا يمكنك تعديل مشاركاتك

رمز [IMG] : متاحة
رمز HTML : معطّلة
Trackbacks are متاحة
Pingbacks are متاحة
Refbacks are متاحة



الساعة معتمدة بتوقيت جرينتش +4 . الساعة الآن : 12:37 PM

Powered by vBulletin® Version 3.8.6
.Copyright ©2000 - 2016, Jelsoft Enterprises Ltd
All Rights Reserved© 2001 - 2014, Almotmaiz.net