السلام عليكم ورحمة الله وبركاته

للأمانة الموضوع منقول بالكامل

بداية
الملح لا تكثر لان الربيان مااااااااااااااااااااااااالح خلقه
ولازم تبدأ بتنظيف الربيان وتقشره لانه ياخذ وقت



الكشنه وتمر بمرحلتين
تحمير البصل وحمسه



ومن ثما البصل مع الطماط



خمر الرز ربع ساعه او تربيصه0000كلها سوء



الكشنه مع الطبخ بالبهارات والدارسين والهيل واللي تبيه على مزاجك والفلفل النار حار شوي ما ينفع وتحط عليه الربيان بعد سلقه خمس دقايق


ثم تكب الرز عليه وتراه يبي شوي زيت لا يصير حاف بدون زيت ولا ناشف
وتقصر على نار هاديه



ثم تضعه على الصحن وجعل فيه العافيه




ملاحظة
الربيان المجفف يتوفر في سوق نايف بدبي لدى الإيرانيين الكيلو ب 80 درهم
أخوكم في الله البراء

ما شاء الله على هذا الطبق ...

ال_ _ __ _ _ ,

و ما اعرف شو اوصفه من كثر ما أ_ _ _ _ _

والله يخلي الإيرانيه في سوق نايف ,, عندهم كل شيء سهل ومتاح حتى الربيان المجفف





وجزاك الله خير

*************
والصراحة ما ادري لو أجرب هذا الطبق شو بيستوي في الدنيا ,, اقرى وحوليت لو اكله :)

الأخت الفاضلة شروق

السلام عليكم ورحمة الله وبركاته

كلا أختي الفاضلة هي مصطلحات نجدية أي حتى أنا لا أعرف بعضها مثل التربيصة
وأما الكشنة أي الحمسة والله أعلم.

أكيد ينفع الربيان الطازج ولكن يبقى للربيان المجفف نكهته الخاصة.


بل قد تكون هذه المعلومة الوحيدة التي من عندي .

لا والله من ندل شيء ولكن اخواننا في الإمارات ما يقصرون إذا زرناهم يأخذوننا إلى جميع الأماكن ومن خلالهم عرفنا بعض المحلات هناك وأما الحلوى في دبي والله ما أعرف لكن الزيارة القادمة بنكلف على اخونا المتميز يوصلنا لها وما بيقصر إن شاء الله والربيان في الشارقة بعد ما يحتاج سوق الإيرانيين معروف مثل ما تفضلتي ولا يمكن أنسى هذا السوق فقد حصل لي موقف طريف فيه في آخر زيارة لي للشارقة.

تأكلونه بالعافية إن شاء الله وانتظروا ننقل لكم الطبخة الثانية قريباً إن شاء الله .

أخوكم في الله البراء

الأخت في الله نهاية حياة

السلام عليكم ورحمة الله وبركاته

جزاكِ الله خير أختي الفاضلة وجربي الطبخة وبالهناء والعافية وانتظري الطبخة القادمة إن شاء الله .

أخوكم في الله البراء

كنت أتساءل وأبغي أفهم ليش نهاية مشفرة الكلام !!
نهاية .. ضعي الكلمة المناسبة مكان النقط
ما شاء الله على هذا الطبق ...
ال ......... ,
و ما اعرف شو اوصفه من كثر ما أ........

والله تحسبت الكلمة من كثر ما ( أحبه ) وانحرجتِ من الكلمة
طلعت من كثر ما ( أكرهه )
ما طرت على بالي أبد يا نهاية !!
اكتشاف مذهل ولأول مرة منذ أن عرفت نهاية أعرف إنها تكره المأكولات البحرية
ذكرتيني بواحد يسير البحر ويصيد سمج وما ياكله ، بس نحن طبعًا ناكله >> هذا اللي هو بابانا

أقول .. ذكريات أيام الشارقة التراثية وال ( قباب والمالح ) لازالت عالبال
خلينا نسير مشوار أنا وإنتِ إلى سوق نايف نييب ربيان
جان عاد رجّعناج بيتكم عقبها !!
بنسويه وبنغديج إياه ويانا .. بالزين بالشين بتاكلينه ويانا ، وماشي غدا غيره !
يالله .. زهبي عمرج يا نهاية دوري لج أجازة ، أي يوم بس الصبح مب العصر

على فكرة .. مطبخنا أحسن من مطبخ ( أم خماس .. راعية مطبخ المحماس )

الصراحة من الوصفة باين عليها طعمها لذيذ
لكن للأسف ما أحب الربيان
بس ممكن أطبقها للأولاد وأبوهم
جزاك الله خيرا


[blink]درة الأكوان[/blink]
وعلى طريق الخير نمضي معاً