زمان اول

اسيرة الاشواق · #1 (**permalink**) 18-07-2006, 11:12 PM

متى ترتاح ياقلبي .....وترسى في دنيتك في بر....مواعيد الامل ضاعت.....وملت بك تدابيره
عجزت ألقى لهم المر...تفاصيل بها اتصبر........أواسي نفسي بدموعي.....ونفسي في الخفا سعيره
مواجع والعمر يمضي ..ومصايب دايم تمطر.....وحال الله اعلم به....ادرى بشره وخيره......
وأيام المطوع يعلمني حروف الجر.....وآيات بها يس ......تزيد العمر تنويره..........
آياما بنا مرت ...اذكر لا أجانا الحر...نرش من السعن مايه.....كذا ذا الصيف تعبيره....
ولا جانا المطر نفرح .....فيافي عمرنا تزهر....صبانا ما عرفنا الهم..ابد مانعرف الحيره....
وأذكر يوم امي تقول...أخاف اليوم تتأخر...أبوك وتدري أطباعه....كل شي ولا التأخيره..
وأذكرهم ربع كنا....معاهم دايم نسهر....ع ذاك السيف ياللي دوم...له سحره وتأثيره..
وحكاية جدتي العوده....قصصها دايم تبهر....دعيت الله يرحمها...ويشملها بمغافيره.....
دنيا مابها راحه...تمعن شوف وتفكر....وهذي حكمة الخالق....فينا وذي تدابيره...
دنيا ماحفظت منها......الاهم وجرح وغدر...وحلم مر في ليلي...على بالي وتصاويره..
واذكر يالوفي واذكر...بعد شي اللي به اتذكر.....سوالف ماضيه ولت....جميله كانت الديره
أبي أشره ابي اعتب....ولكن ما أقدر أتصور....نعود احنا مثل أول ....ننسى الحقد والغيره
دعيت ربي العالي...يعوضنا بزمان مر....ربي عالم وقادر...بهذا الحال تغييره........
ياقلبي من عناك ارتاح....ترى اللي مضى مقدر....عسى الله يفرج الضيقه..وقطعها الله من سيره..